کۆڵبەر نیوز: مانگی نیسان چوار کۆڵبەر کوژراون و ٥٤یش برینداربوون
کۆڵبەر نیوز رایگەیاند، کە مانگی نیسان لە ئەنجامی هێرشی هێزە چەکدارەکانی دەوڵەتی ئێراندا لانیکەم چوار کۆڵبەر کوژراوون، دەیان کۆڵبەریش برینداربوون.
کارەساتی کوشتن و بریندارکردنی کۆڵبەران لە رۆژهەڵاتی کوردستان لە لایەن هێزەکانی ئێرانەوە بێ پسانەوە بەردەوامە.
کۆڵبەر نیوز ئاماری هێرشەکانی سەر کۆڵبەرانی بۆ مانگی نیسان ئاشکرا کرد.
بەپێی ئەو ئامارە، لە هەرێمی کرماشان ٢ کۆڵبەر کوژراون و ٥٢ کۆڵبەریش برینداربوون.
لە ورمێش دوو کۆڵبەر کوژراون و کۆڵبەرێکیش برینداربووە.
راگەیەنراوە کە لە سنەش کۆڵبەرێک برینداربووە.
هـ . ب
