کەسایەتییەکان، پەرلەمانتاران، نووسەران، رۆژنامەنووسان کاردانەوەى بەرپرسیارانە و توندیان لە دژی پەیامەکەى دوێنێ مەسعود بارزانی هەبوو، کە پەکەکەی بە داگیرکەر ناساندبوو و داوای کردنەدەرەوەى پەکەکە لەسەر خاکی کوردستان کردبوو.
پەیامەکەى مەسعود بارزانی بە پێچەوانەى بەڵێنەکانی پێشووتری بۆ رێگریکردن لە شەڕی کورد و کورد و بە پێچەوانەى بەرپرسیاریی قۆناغەکە و دۆزی گەلی کوردە، بۆیە بە خێرایی سەدان کاردانەوە لە رای گشتیی کوردستاندا بڵاوبوویەوە.
لەو چوارچێوەیەدا کەمال چۆمانی رۆژنامەنووس لە پۆستێکیدا دەڵێت، " ئێستا کاتی هەڵوێستێکی توندی کۆمەڵگەی کوردیی و میدیا و لایەنە سیاسییەکانە دژ بە دەهؤڵکوتینی بارزانی بۆ شەڕی کورد و کورد."
دەقی نووسینەکەى کەمال چۆمانی
بەیاننامەکەی مەسعود بارزانی ئیعلانێکی راستەوخۆیە بۆ شەڕ دژی پەکەکە. زۆر بەڕونییش رایگەیاندوە کە پرسی "تێکدانی سەقامگیریی سنورەکان" شەڕی کورد و کورد حەڵاڵ دەکات.
ئێستا کاتی هەڵوێستێکی توندی کۆمەڵگەی کوردیی و میدیا و لایەنە سیاسییەکانە دژ بە دەهؤڵکوتینی بارزانی بۆ شەڕی کورد و کورد.
هیچ شتێک شەرعییەت ناداتە شەڕی کورد و کورد.
ژ.ت
