خوێندکارانی زانکۆی مونزور، کە پۆلیس سیخوڕیی بەسەریاندا دەسەپاند، سەردانی لقی کۆمەڵەی مافی مرۆڤیان لە دێرسیم کرد و وتیان: "سەرەڕای ئەو هەموو سیاسەتە چەوسێنەرانەیە، بەهۆی هێزەی خۆمانەوە، کە لە مێژووەوە وەرمانگرتووە بەرەنگاری دەکەین".
خوێندکارانی زانکۆی مونزور، کە لەلایەن پۆلیسەوە هەوڵ دەدرا سیخوڕییان بەسەردا بسەپێنرێت، سەردانی لقی کۆمەڵەی مافی مرۆڤ (ئیهەدە / (ÎHD)) لە دێرسیم کرد و لەوبارەیەوە لێدوانیان دا. بەڕێوەبەرانی ئیهەدە و چەندین خوێندکار بەشدارییان لە کۆنفرانسێکی رۆژنامەنووسیدا کرد و پێش خوێندنەوەی راگەیەندراوەکە، گوربەز سۆلماز هاوسەرۆکی لقی دێرسیمی ئیهەدە وتی، بەم دواییانەدا لە دێرسیم هەوڵەکان بۆ داسەپاندنی کاری سیخوڕی زیادیکردووە و وتیشی: "بەداخەوە دەوڵەت ئەمەی لە دێرسیم کردووە بە سیاسەتێک. ئێمە دەمانەوێت دەستبەرداری ئەو کار و جموجوڵانەتان بۆ بچووکردنەوە و پێشێلکاری بهێنن".
موراد ئایدین بە ناوی خوێندکارانی زانکۆی مونزورەوە دەقی ڕاگەیاندراوەکەی خوێندەوە و ئاماژەی بەوەدا، گرژی و سیاسەتی دژە دیموکراتییانەی بەرامبەر بە خوێندکارانی زانکۆ زیاتر بووە و بە هەموو ئاست و جموگەکانی ژیاندا بڵاوبووەتەوە و وتیشی: "ئێمە لە دژی گوشار، هەڕەشە، گێچەڵ و سیخوڕی بەرەنگاری دەکەین. خوێندکارانی وڵاتپارێز لە کامپەکان و گۆڕەپانەکەدان. ئێمە داسەپاندنی سیخوڕی بەسەر هەڤاڵانماندا و ئەو هەڕەشانەی ڕووبەڕوویان دەبێتەوە و ئەو سیاسەتانە، ئاشکرا دەکەین.
بەم دواییانە هەڤاڵانمان بێزار و هەراسان دەکرێن و هەڕەشەیان لێکدەکرێت، لەبەر ئەوەی هەڤاڵانمان لەگەڵیان کۆنابنەوە هەڕەشەیان لێدەکەن و بێزار دەکرێن. ڕژێمی کۆشک بۆی دەرکەوتووە، کە دەزانێت دەڕوات، بۆیە لە بەرامبەر تێکۆشانی رێکخستنکراوماندا بە شێوەیەکی دڕندانە هەڵسوکەوت دەکات و هەوڵی داسەپاندنی سیاسەتی سیخوڕی و ئاسمیلیلاسیۆن و تواندنەوە دەدات. پێیوایە بە هێرشەکانی دەتوانێت بمانترسێنێت و بمانچەوسێنێتەوە، بەڵام هەوڵەکەیان شکستی هێنا. ئێمە سەرەڕای ئەو هەموو سیاسەتە چەوسێنەرانەیە، بەو هێزەی لە مێژووەوە هەڵمانگرتووە، بەرخۆدان و بەرەنگاری دەکەین".
ژ.ت
