لە کەلاری ناوەندی گەرمیان، گروپێک لە ئەندامانی گەنجانی وڵاتپارێزی کوردستان لەناو بازار رێپێوانیان ئەنجامدا و هێرشی دەوڵەتی تورکیان شەرمەزار کرد کە بە چەکی کیمیایی ئەنجام دەدرێن.

لە چالاکیەکەدا لەسەر ناوی گەنجان راگەیەندراوێک لەلایەن شاهۆ گەرمیانیەوە خوێندرایەوە.

لە راگەیەندراوەکەدا هاتووە، " گەلی بە شەرەف و نیشتیمانپەروەری کوردستان، وەک دەزانریت داگیرکەر و خیانەتکاران دەیانەوێت کوردستان لەناوببەن. بەڵام بە پێشەنگایەتی شۆڕشگێرانی کورد خەونەکەیان گۆڕ بە گۆڕ دەکرێت. داوا لە گەلی باشورمان دەکەین کە جارێکی دیکە رێگە بە کارەساتێکی وەک کیمیابارانی هەڵبجە و ئەنفال نەدەین و هەڵوێست پیشان بدەین."

ف.ق