ئەمڕۆ هاوڵاتیانی کامپی پەنابەرانی شەهید ڕۆستەم جودی لە مەخمور، بە ڕاگەیەندراوێک، لە ١٧ـەمین ساڵوەگەڕی کۆمەڵکوژیی قامشلۆ، ئەو کۆمەڵکوژییەیان شەرمەزار کرد.

لە ڕاگەیەندراوەکەدا هاتووە: وەک ئەنجومەنی گەلی مەخمور، بە ڕێزدارییەوە شەهیدانی قامشلۆ بەبیردێنینەوە و لە کەسایەتی شەهیدانی قامشلۆدا، سەری ڕێز و نەوازش لە بەرامبەر هەموو شەهیدانی ڕێگای ئازادی و شەهیدانی شۆرشی ڕۆژئاوای کوردستان، نەوی دەکەین.

هەروەها هاتووە: ئەمڕۆ لە ڕۆژئاوا و لە سایەی بەرخۆدێری گەل و قارەمانێتی ڕۆڵە گیانفیداکانی هەزاران کیلۆمەتەر لە خاکی پیرۆز لە دوژمنی گەلی کورد پاککراوەتەوە، لە دڵ و گیانەوە سڵاو لە سیستمی ڕۆژئاوای کوردستان دەکەین کە ئەمڕۆ لە سایەی شەهیداندا دامەزراوە، هێز و سیستمە تاریکپەرێستەکان لە پشت ئەم کۆمەڵکوژییە شەرمەزار دەکەین.

ف.ق