لە وان لەبارەی ئەو ئێسک و پروسکەی لە کۆمەڵگەی سەربازیدا دۆزرانەوە لێپرسینەوە دەستی پێکرد
لە باخچەی کۆمەڵگەیەکی نیشتەجێبوونی سەربازی لە ناوچەی رێیا ئارموشی وان، ئێسک و پروسکی مرۆڤ دۆزرانەوە و لەم بارەیەوە لێپرسینەوە دەستی پێکرد.
لە کاتی هەڵکەندی باخچەی خوێندنگای سەرەتایی خوسرەو پاشا لە سەر رێگەی جومهوریەتی ناوچەی رێیا ئارموشی وان ئێسک و پروسکی مرۆڤ دۆزرانەوە.
لە ٣٠ی ئازاردا کەسێک سەردانی کۆمەڵەی مافەکانی مرۆڤ (ئیهادە) کرد و باسی دۆخەکەی کرد.
بەڕێوەبەرانی ئیهادە سەردانی ناوچەکەیان کرد و لەبارەی ئەو ئێسک و پروسکەی مرۆڤ لێکۆلینەوەیان کرد. سەندیکای پارێزەرانی وانیش لێکۆلینەوەی کرد. دواتر پارێزەران و بەڕێوەبەرانی ئیهادە سەردانی داواکاری گشتیان کرد.
سینان ئوزاران سەرۆکی سەندیکای پارێزەرانی وان وتی، " داوکاری گشتی هاتە شوێنی رووداوەکە و ریوشوێنی ئەمنی گیرایەبەر. داواکاری گشتی دروستکردنی باڵەخانەی راگرت و دەستی بە لێپرسینەوە کرد. ئێسک و پروسکی مرۆڤ لە وناوچەیە کۆدەکرێتەوە و لێکۆلینەوە دەست پێدەکات.
بەگوێرەی زانیاریەکان تاوەکو ئێستا دوو کەلە سەر و ژمارەیەک ئێسک و پروسک دۆزراونەتەوە.
مردووەکان لە قۆڵای دوو مەتر لە تەنیشت یەکتری بەخاکسپێردرابوون.
خوێندنگاکە ٥٠ ساڵ لەمەوبەر دروست کراوە. نازانرێت پێشتر ناوچەکە بۆچی بەکارهێنراوە.
ف.ق
