لاوانی ئاپۆچی مەهاباد بە بۆنەی ٢ی ڕێبەندان ساڵیادی دامەزرانی کۆماری کوردستان لە مەهاباد، لە چالاکیەک دا ئەو ڕۆژە پیرۆز دەکەن و شۆڕشی ژن، ژیان، ئازادی وەک هەنگاوێک بۆ گەیشتن بە ئامانجەکانی کۆماری کوردستان دەزانن.
لاوانی ئاپۆچی مەهاباد بە بۆنەی ٢ی ڕێبەندان ساڵیادی دامەزرانی کۆماری کوردستان لە مەهاباد، لە چالاکیەک دا ئەو ڕۆژە پیرۆز دەکەن و شۆڕشی ژن، ژیان، ئازادی وەک هەنگاوێک بۆ گەیشتن بە ئامانجەکانی کۆماری کوردستان دەزانن.
لاوانی ئاپۆچی لە مەهاباد لە چالاکییەکەیاندا ڕاشیانگەیاند، ڕێبەر ئاپۆ ڕێبەری شۆڕشی نوێمانە و گەریلا ئاڵاهەڵگری ئەو ڕێبازەیە و سوێند دەخۆن بەردەوام پێدەری ڕیگای شەهیدان بن و بۆ بەدیهێنانی ئامانجەکانیان لە تێکۆشان بەردەوام بن.
دەقی لێدوانەکەی لاوانی ئاپۆچی مەهاباد بەو شێوەیە :
بەناوی ژن ، ژیان ، ئازادی
٢ی ڕێبەندان شکۆی کورد و کوردستانە
سەرۆک ئاپۆ ڕێبەرمانە
پێشەوا قازی لەنێو دڵی ڕۆژهەڵاتی کوردستاندا کۆمارێکی دامەزراند کە بۆ هەمیشە وەک ئەستێرەیەکی گەشی ئاسمانی کوردستان دەدرەوشێتەوە و بۆتە هەوێنی خەبات و تیکۆشانی ئازادیخوازی هەر چوارپارچەی کوردستان و داهاتوویەکی ڕوون بۆ گەل و نیشتمانی دایک.
بەڕێز ئۆجالانیش هەر لەسەر ئەو ڕێگا و ڕێبازه و بە فەلسەفەی ژن ، ژیان ، ئازادی بۆتە ئاڵاهەڵگری شۆڕشە مەزنەکەی قازی و لە ئێستادا گەریلا لە چیا سەرکەشەکانی کوردستان و هەزاران ڕۆڵەی دیکە لەنێو گوند و شارەکانی ئەم نیشتمانە لەدوای شەهیدبوونی ژینا ئەمینی لە ٢٥ی خەرمانان بۆ وەدیهاتنی ئاوات و ئامانجی شەهیدان و لەپێناو ڕزگاری کوردستان بە پێشکەشکردنی گیانی خۆیان، ئاگری شۆڕشی پێشەوای نەمریان گەش کردۆتەوە و مزگێنی سەرکەوتنیان پێداوین.
ئێمە لاوانی ئاپۆچی شاری مەهاباد ، سۆز و پەیمان لەگەڵ سەرجەم شەهیدانی کوردستان و بەتایبەتی شەهیدانی شۆڕشی ژن ، ژیان ، ئازادی نوێ دەکەینەوە و هەتا دواهەناسە درێژەپێدەری ڕێگەی پێشەوا قازی و کۆماری کوردستان دەبین".
ژ.ت
