رۆفاتی گەریلا مەحسوم ئوزەر دوای ٧ ساڵ رادەست کرایەوە
رۆفاتی مەحسوم ئوزەر گەریلای هەگەپە کە لە ساڵی ٢٠١٥دا لە هێرشی ئاسمانی دەوڵەتی داگیرکەری تورکدا لە دێرسم شەهید بوو، دوای ٧ ساڵ رادەستی خانەوادەکەی کرایەوە و لە گۆڕستانی دۆغانچای بەخاکسپێردرا.
دادوەر رۆژی ١٩ی ئەیلول بە تولوفۆن خانەوادەی ئوزەری ئاگادار کردەوە کە روفاتی کوڕەکەیان وەربگرن.
ئەمڕۆ خانەوادەی ئوزەر سەردانی پزیشکی دادی ئیزمیر کرد و بە وتنەوەی دروشمی شەهید نامرن تەرمەکەیان وەرگرتەوە.
موساد چەپنی و موسا پیرئۆغلۆ پەرلەمانتارانی هەدەپە، نوێنەری پارتە سیاسی و رێکخراوەکانی مەدەنی و زۆر کەس لەگەڵ خانەوادەی ئوزەر چوونە بەردەم پزیشکی داد و بەشداریان لە رێورەسمی بەخاکسپاردنەکە کرد.
لە گۆڕستانی دۆغانچای سەر بە ناوچەی بایراکلی، دوای بەخاکسپاردنی روفاتی شەهیدەکەیان، بەشداربوان دروشمی شەهید نامرنیان وتەوە.
خانەوادەی ئوزەر لە ماڵەکەیان لە بایراکلی پرسەیان دانا.
ف.ق
