فێستیڤاڵی فیلمی ژنانی نوژیان کە لە لایەن کۆمەڵەی سینەماکارانی 'ژنی کەزێ' بە پاڵپشتی سینەژنی ڕۆژئاوا، تەڤگەری کەلتووری ژنانی هیلالی زێڕین، ژنانی سینەماکاری ئەورووپا و بە هاوکاری دەستەی کەلتووری کانتۆنی جزیرە ڕێکخرا، لە شەشەمین ڕۆژییدا بەردەوامە.

لە چوارچێوەی بەرنامەکانی ئێوارەی ئەمڕۆدا، وۆرک شۆپی ڕاپۆرتکردن و مۆنتاژ کە دوێنێ لە لایەن شارەزای مۆنتاژ ڤالێنتینا سارۆگنی دەستی پێکرد، لە دووەم ڕۆژدا لە ناوەندی گشتی ژن تیڤی لە شاری عامودا بەردەوامە. وۆرکشۆپەکە بۆ خەباتکارانی ژن تیڤییە و  بە نمایشکردنی دوو فیلم ئەمڕۆ کۆتایی دێت.

لە ناوەندی کەلتووری و هونەری محەمەد شێخۆ لە قامیشلۆ لە کاتژمێر ١٥:٠٠ فیلمی (If you are Afraid, you put your heart into you mounth and smile) لە دەرهێنانی ماری لۆس لێهنەر، پیشان دەدرێت.

بەرنامەکانی ئێوارەی ئەمڕۆ بەم شێوەیە:

لە پارکی ئازادی، کاتژمێر٢٠:٠٠ فیلمی 'هێزە' لە دەرهێنانی دێریا دەنیز و کاتژمێر ٢١:٠٠ فیلمی 'عنقا' لە دەرهێنانی هێلین چەلیک، پیشان دەدرێت.

فێستیڤاڵی فیلمی ژنانی نوژیان سبەی (٣١ی ئایار) کۆتایی دێت.