ئەمڕۆ بەشێك لە کەسوکاری ئەنفالکراوانی گەرمیان لەناو 'زیندانی نوگرە سەلمان' کە لە ئێستادا وەک سیمبوڵی جینۆسایدی ئەنفال لە یادەوەری کەسوکاری ئەنفال کراواندا جێگەی گرتووە، جەژنی قوربانیان کرد.
ئەمڕۆ بەشێك لە کەسوکاری ئەنفالکراوانی هەرێمی گەرمیان بۆ بیرهێنانەوەی یادەوەرییەکانیان و یادکردنەوەی کەسە ئەنفال کراوەکانیان، لەناو زیندانی نوگرە سەلمان جەژنی قوربانیان کرد. گەل بەرەبەیان لە زیندانەکەدا کۆبوونەوە و بە دڵێکی پر لەحەسرەتەوە جەژنی یەکترییان پیرۆز کرد.
لە قۆناغی دوومی پرۆسەی ئەنفالدا هاوڵاتیانی كوردستان گواسترانەوە بۆ باشووری عێراق و پێش زیندەبەچاڵکردنیان لە ناو زیندانی نوگرە سەلمان وەکو دوا قۆناغی ژیان و ئامادەکردنیان بۆ کۆمەڵکوژی دادەنران.
لە نوگرە سەلمان بە ھەزاران پیر، گەنج، مناڵ و ژن لەبرسێتی تینوێتیدا یان لە ئەنجامی ئەشکەنجەداندا شەهیدبوون و لە دەوروبەری زیندانەكەدا چەندین گۆڕی بە كۆمەڵی تێدایە و بەشێك لەوانە هەڵداراونەتەوە، كە ڕووفاتی سەدان هاوڵاتیان كوردی تێدایە.
