رۆژی یەکشەممە یەکی کانوونی دووەم هێمن باجەڵانی دەرهێنەری گەنجی کوردی خەڵکی کامیارانی رۆژهەڵاتی کوردستان لە هەژماری خۆی لە ئینستاگرام کورتە فیلمی ژن ژیان ئازدی بڵاوکردەوە کە تیایدا ماه مونیر بەیتاری و سێپێهر محەمەدی رۆڵ دەگێڕن.

ئەو کورتە فیلمە بە ئیلهام و پشت بەستن بە سەرهەڵدان گەلانی ئێران بەرهەمهێنراوە وماوەکەی ٣ خولەک و ٢٣ چرکەیە و چیرۆکەکەی باس لە ژنێک دەکات کە تووشبووی شێرپەنجەیە.

ئەو ژنە کە سەرجەم قژەکانی بە هۆی چارەسەری کیمیاییەوە لەدەستداوە، دەرمانەکانی کۆدەکاتەوە بە دەرمانخانەکانی دەفرۆشێت و بە پارەکەی باڕۆکەیەک دەکڕێت و کاتێک دەگەڕێتەوە بۆ ماڵەوە بەرامبەر ئاوێنە دەوەستێت و باڕۆکە یان قژە دەستکردەکان لەسەر دەکات وەک هێمایەک بۆ ناڕەزایەتی دەربڕین بەرامبەر بە حیجابی زۆرەملێ قژە دەستکردەکانی کورت دەکاتەوە.

هـ. ب