فیستیڤاڵی گەنجانی ئەنگین سەڤەر کە ئەمساڵ پانزەهەمین جارە لە مارسیلیا ئەنجام دەدرێت بە درووشمی "بە شۆڕشی کەلتووری بەرەو سۆسیالیزم" بە جۆشوخرۆشەوە بەڕێوەچوو.
پانزەهەمین فیستیڤاڵی گەنجانی ئەنگین سەڤەر لە مارسیلیا بە درووشمی "بە شۆڕشی کەلتووری بەرەو سۆسیالیزم" بە جۆشێکی مەزنەوە بەڕێوەچوو. هەزاران گەنج بەشداربوون، تێیدا پشتیوانی کەلتووری و هیوای ئازادی کۆبووییەوە.
پاش خولەکێک وەستان بۆ گیانی شەهیدانی ئازادیی کوردستان و سروودی نەتەوەیی ئەی ڕەقیب، گەنجان درووشمی "بژی سەرۆک ئاپۆ"یان بەرزکردەوە.
لە وتەی دەسپێکدا باس لەو پرۆسەیە کرا کە بۆ چارەسەری پرسی کورد دەستی پێ کردووە. تێیدا دووپاتکرایەوە کە ئاشتی تەنها چارەسەرێکی سیاسیی نییە، هاوکات بۆ دۆستایەتی نێوان گەلان و ئارامیی کۆمەڵایەتیی گرنگە.
لە فیستیڤاڵەکەدا، وتەکەی ڕێبەر ئاپۆ "گەنجان داینەمۆی شۆڕشن" دەربارەی گەنجان، بیرهێنرایەوە. جەختکرایەوە کە دەبێت گەنجان ڕێکخراو و هۆشیاربن.
فیستیڤاڵەکە بە مۆسیقا و گۆرانی هونەرمەندان و گرووپە هونەرییەکان و هەڵپەڕکێ و هەلهەلە بەردەوام بوو.
ستاندی کتێب و خواردنی هەرێمی و جلوبەرگەکان پێشوازییەکی گەرمی لێ کرا. فیستیڤاڵەکە بە هەڵپەڕکێ و درووشم و مۆسیقا و جۆشوخرۆشی گەنجان کۆتایی هات.
