گەلی عفرین کە بە هۆی زوڵم و داگیرکەرییەکانی دەوڵەتی داگیرکەری تورک و چەتەکانی ئاوارە بووە و لە ئێستا دا لە کەمپی بەرخۆدان لە ناوچەی شەهبا جێگیر بووە، بە مەبەستی پشتیوانی لە خۆڕاگری عەفرین و هەوڵی گەڕانەوەیان بۆ سەر زێدی باو و باپیرانیان، رێپێوانێکیان ساز کرد.

رێپێوانەکە کە تا ناوەندی مانگی سووری کوردی لە کۆمەپەکە بەردەوام بوو، لە لایەن رێکخراو و ئەنجومەنەکانەوە پشتیوانی لێکرا.

لە رێپێوانەکە دا پانکارتی 'تورکیا خاکەکەمان بە تاڵان دەبات، منداڵ و گەورە دەکوژێت و روسیاش بێدەنگە' بەرز کرایەوە.

لە بەردەم ناوەندی مانگی سووری کوردی دوای خولەکێک ریزگرتن بۆ رۆحی پاکی شەهیدانی نیشتیمان، چەند پەیامیک پێشکەش کران.

لە سەر ناوی ئەنجومەنی کەمپی بەرخۆدان شێخۆ ئیبراهیم و لە سەر ناوی کۆنگرەی ستاریش مۆنە برین قسەیان کرد.

دوای پەیام و قسەکانیش، بە وتنەوەی دروشم لە دژی داگیرکارییەکانی دەوڵەتی تورک لە عەفرین، کۆتایی بە رێپێوانەکە هات.

ز.ش