بزوتنەوەی حەماس: لە دوشەممەوە ٨٣ فەڵەستینی کوژراون
بزوتنەوەی حەماس کە غەزەی کۆنتڕۆڵ کردووە، رایگەیاند، لە رۆژی دوشەممەوە و تا ئێستا لە ئەنجامی هێرشی ئیسرائیلدا ٨٣ کەسی فەڵەستینی کوژراون.
بەپێی راگەیەنراوی حەماس، رۆژی پێنجشەمە لە هێرشی ئاسمانی ئیسرائیلدا لە غەزە ١٦ کەس کوژراون.
حەماس دەڵێت، ١٧ کەس لە کوژراوەکان، منداڵن و ٤٨٧ فەڵەستینیش بریندار بوون.
هێزە ئاسمانیەکانی ئیسرائیل لە غەزە باڵەخانەیەکی ١٠ نهۆمی هەڵوەشاند کە تێیدا نووسینگەی کەناڵی ئەلئەکسا هەبوو. ئەو باڵەخانەیە سێیەم گەورە باڵەخانەی غەزە بوو.
تا ئێستاش ٧ فەڵەستینی لەلایەن بزوتنەوەی حەماسەوە کوژراون.
ف.ق
