پاشنیوەڕۆی ئەمڕۆ، شانەی ڕاگەیاندنی ئەمنیی عێراق بڵاو كردەوە، هێزەكانی دەزگای ئاسایشی نیشتمانی، توانیویانە والیی بەغدای داعش، دەستگیر بكەن.

شانەی ڕاگەیاندنی ئەمنی، بەبێ‌ ئەوەی باسی كات ‌و شوێنی دەستگیركردنەكەی بكات، ئاماژەی بەوە كردووە كە والیی بەغدای داعش، دوای چاودێریكردنی لە سێ‌ پارێزگای عێراق، دەستگیر كراوە.

باسی لەوەیش كردووە: دەستگیركراوەكە یەكێك بووە لە تیرۆریستە دیارەكانی داعش ‌و پێشتر پۆستی ئەمیری (شامییە، ڕقە، بادیە، سەلاحەدین ‌و بەغدا)ی بەڕێوەبردووە.

شانەی ڕاگەیاندنی ئەمنی، دەیشڵێت: والیی بەغدای داعش، بەنیازی ئەنجامدانی چالاكیی تیرۆریستی بووە لە ڕۆژانی جەژندا لەبەغدای پایتەخت.

ف.ق