لە قودس بە هەزاران کەس نەتانیاهۆیان شەرمەزار کرد
بە هەزاران کەس لە قودس خۆپیشاندانیان ئەنجامدا و داوای دەستلەکارکێشانەوەی بنیامین نەتانیاهۆ سەرۆک وەزیری ئیسرائیلیان کرد.
خۆپیشاندان ئێوارەی سێشەمە ئەنجامدرا و پانکارتی 'گەندەلی نەتانیاهۆ نەخۆشمان دەکات و نەتانیاهۆ دەست لەکاربکێشەوە' بەرز کرانەوە.
پێشتر ئامادەکاری بۆ خۆپیشاندانەکە کرابوو و ڕاگەیەنرابوو کە ١٤ی تەموز لە ٢٣١مین ساڵیادی شۆڕشی فەڕەنسادا بە داواکاری 'یەکسانی، ئازادی و برایەتی' خۆپیشاندان ئەنجام دەدرێت.
چالاکوانان دروشمی ئەوەیان بڵاوکردەوە کە گەندەڵی هۆکاری مردنە نەک کۆڤید ١٩.
نەتانیاهۆ بە گەندەڵی، ساختەکاری و بەکارهێنانی متمانە تاوانبار دەکرێت. پێشبینیدەکرێت دانیشتنی دادگاییکردنی نەتانیاهۆ ١٩ی ئەم مانگە بەڕێوە بچێت.
ف.ق
