ناوەندی ڕاگەیاندنی هێزەکانی سوریا دیموکرات (قەسەدە) لەبارەی شەڕ و بەرخۆدانەکانی ٢٤ کاتژمێر ڕابردوو کە پەنجا و دووەمین ڕۆژی (بەرخۆدانی شەڕەف)ە، ڕاگەیانداراوێکی بڵاو کردەوە.

راگەیاندراوەکەی قەسەدە بەم شێوەیەیە:

"سوپای تورکی داگیرکەر و گرووپە چەتەکانی، لە هێرش و جموجۆڵی چاودێریی لە سەرتاسەری بەرەکانی شەڕ بەردەوامن.

ئه‌بوو ڕاسه‌ن

سوپای تورکی داگیرکەر و چەتەکانی، لە دەوروبەری ئەبوو ڕاسەن هێرشەکانیان بە چەکی قورس و پشتیوانی فڕۆکەی بێ فڕۆکەوان بەردەوامن. چەتەکان لە گوندەکانی تەل محەمەد و تەل وەرد هێرشیان کردە سەر هەرێمی نیشتەجێبوونی هاوڵاتیانی سڤێل و سەنگەرەکانی شەڕڤانانی ئەنجومەنی سەربازی سریانی.

عه‌ین ئیسا

سوپای داگیرکەر و چەتەکانی، گوندەکانی سەر بە عەین عیسا و قز ئالی-یان بە شێوەیەکی سەخت تۆپباران کرد و چەندین ناوچەی نیشتەجێبوونی هاوڵاتیانی سڤیلیان کردە ئامانج. هەروها گوندەکانی زەنوبا و کۆرکی لە ڕێگەی تانک و تۆپەوە بۆردومان کران و زیانی مادی گەیشتوەتە موڵک وماڵی هاوڵاتیان.

لە ئەنجامی هێرشەکانی سوپای داگیرکەر بە چەکی قورس و فڕۆکەی بێ فڕۆکەواندا دوو هەڤاڵمان شەهید بوون و ٢ هەڤاڵیشمان بریندار بوون".

ف.ق