قەسەدە: لە هەموو ناوچەکە هێرش و جموجۆلی فڕۆکەی چاودێریی بەردەوامە
ناوەندی ڕاگەیاندنی هێزەکانی سوریای دیموکراتیک (قەسەدە) رایگەیاند، هێرشەکان لەسەر رۆژئاوا و چاودێریکردن لەلایەن فڕۆکەی بێفرۆکەوان بەردەوامە.
ناوەندی ڕاگەیاندنی هێزەکانی سوریای دیموکراتیک (قەسەدە) رایگەیاند، هێرشەکان لەسەر رۆژئاوا و چاودێریکردن لەلایەن فڕۆکەی بێفرۆکەوان بەردەوامە.
ناوەندی ڕاگەیاندنی قەسەدە بە ڕاگەیانراوێک ئەنجامەکانی شەڕی لە رۆژی پەنجا و سێیەمینی بەرخۆدانی رۆژئاوا و باکور و رۆژهەڵاتی سوریا ئاشکرا کرد.
ڕاگەیاندنەکە بەم شێوەیەیە:
"سوپای داگیرکەری تورک و چەتەکانی، هێرش و جموجۆلەکانیان بۆ چاودێریکردن لە سەرتاسەری ناوچەکە بەردەوامە.
تەل تهمر
سوپای داگیرکەر و گروپی چەتەکان لە دەروبەری تەل تەمر لە هێرشەکانیان بە چەکی قورس بەردەوامن. چەتەکان لە گوندی دەردارا هێرشیان کردە سەر سەنگەرەکانی ئەنجومەنی سەربازی سریانییەکان و هەرێمەکانی هاوڵاتیان.
عهین عیسا
سوپای داگیرکەر و چەتەکانی، گوندەکانی عەین عیسا و قز ئالییان بە شێوەیەکی سەخت و چڕ تۆپباران کرد و چەندین شوێنی نیشتەجێبوونی هاوڵاتیانی سڤیلیان کردە ئامانج. گوندەکانی ئەو سەرا، کورکێ، ئوم ئەلبەرامی، مەسعودیە بە تانک و تۆپ بۆردومان کران. هەروەها سوپای تورکی داگیرکەر بە چەکی قورس هێرشیان کردە سەر گوندی گەنتەری و رێگەی M4ی نێودەوڵەتی.
لە ئەنجامی هێرشەکانی سوپای داگیرکەر بە چەکی قورس، هەڤاڵێکمان شەهید بوو".
ف.ق