سەرچەتەیەک بە ناوی ئازاد شەهبۆ کە سەرۆکی دەستە چەتەکانی نوخبەیە و لە کاتی هێرش بۆ سەریکانی دا لەگەڵ دەستەچەتەی ئازادی بەشداربوبوو لەو هێرشەدا و لە هێرشەکانی سەر جەرابلوس و عەزاز لەلایەن سوپای تورکیشەوە بەشداری کردووە، ئەم جارە هاوکاری سوپای تورک دەکات بۆ هێرش بۆ سەر عەفرین.

ئازاد شەهبۆ دەستەی چەتەکانی ئازادیی لە کانتۆنی شەهبا دامەزراند و هێرشی کردە سەر شەڕڤانانی یەکینەکانی پاراستنی گەل- یەپەگە، دەستەی چەتەکانی ئازادی لە دەستپێکی دامەزرانیانەوە فەرمان لە میتی تورک وەردەگرن و هێرش دەکەنە سەر دەستکەوتەکانی گەلی کورد لە ڕۆژئاوای کوردستان.

ئازاد شەهبۆ بە ئاژانسی هەواڵی ئانادۆڵی تورکی وتووە، کە بەشداری دەکات لە ئۆپەراسیۆنی هێرش بۆ سەر عەفرین دا و هێزەکانی یەپەگەشی بە خائین و داردەستی ڕژێمی سوریا ناوزەدکردووە.