بوڵتەنو گۆشەگیری: ٣ ساڵۍ و ٦ مانگێن هیچ هەواڵێوە جە ئیمراڵیۆ ۋەردەس نییا!
ئۆهەدە باسش چانەی کەرڎ، کە ئیمراڵی ٢٤ ساڵۍ، ٧ مانگۍ و ٢٨ ڕوێن ئینا چێرو گۆشەگیریینە و ماوەو ٣ ساڵا و ٦ مانگا و ١٧ ڕوان هیچ هەواڵێوە جە ئیمراڵییوە ۋەردەس نییا.
٩ەمین ژمارەو "بوڵتەنو گۆشەگیری" کە ١٥ ڕوۍ جارێوە جە لایەنو جەمەو مافناساوە پەی ئازادی (ئۆهەدە)ی ئاماڎە و وەڵا مکریۆوە، چی ژمارەنە ئاماژەش پانەی کەرڎەن کە رابەرو گەلوو کوردی عەبدوڵا ئۆجالان و زیڼانیا تەری جە ئیمراڵی حامیلی یەڵدرم، وەیسی ئاکتاشی و عومەر خەیری کۆنار کە ئینۍ زیڼانو جۆرو ئێف و ئاسایشی بەرزو ئیمراڵینە، ماوەو ٣ ساڵا و ٦ مانگا و ١٧ ڕووان هیچ هەواڵێوەشا نمەزانیۆ.
جە بوڵتەنەکەنە ئانە وزیان ڕووە کە ئیمراڵینە ٢٤ ساڵۍ و ٧ مانگۍ و ٢٨ ڕوێن گۆشەگیری مسەپیۆنە، ٤ ساڵۍ و ٧ مانگۍ و ١٠ ڕوێن بنەیانەکۍ نمەتاوا دیڎار سازبکەرا، ٥ ساڵۍ و ٢ مانگۍ و ١٦ ڕوێن پارێزنەرا نەتاوانشا دیڎار ئەنجام بڎا.
جە بوڵتەنەکەنە ئاماژە بە ئەرەیاۋناو ئۆهەدەی و بە سەڎان پارێزنەرا ۋەردەم و دادگاو دەستوری بنچینەیینە دریان. ئۆهەدە داواش جە دادگاو دەستوری هەمیشەیی کەرڎەن کە دمایی بە پاشێلکەردەی سیستماتیک و دژوارو مافەکا جە ئیمراڵینە بارۆنە.
