هێزەکانی ئاسایشی ناوخۆی باکور و رۆژهەڵاتی سوریا، ئاماری مانگی رابردووی بڵاکردەوە
هێزەکانی ئاسایشی ناوخۆی باکوری و رۆژهەڵاتی سوریا لە راگەیەنراوێکدا، ئاماری کار و چالاکیەکانی لە مانگی کانونی دووەمدا بڵاوکردەوە.
هێزەکانی ئاسایشی ناوخۆی باکوری و رۆژهەڵاتی سوریا لە راگەیەنراوێکدا، ئاماری کار و چالاکیەکانی لە مانگی کانونی دووەمدا بڵاوکردەوە.
هێزەکانی ئاسایشی ناوخۆی باکوری و رۆژهەڵاتی سوریا لە شاروچکەی ڕمێلانی سەر بە کانتۆنی قامشلۆ کۆنفڕانسێکی رۆژنامەنووسی ئەنجامدا و ئاماری کار و خەباتی ساڵی ٢٠٢١ی بڵاوکردەوە.
عەلی ئەلحەسەن وتەبێژی فەرمی هێزەکانی ئاسایشی ناوخۆی باکوری و رۆژهەڵاتی سوریا بە زمانی عەرەبی و ریحان محەمەد ئەندامی بەڕێوەبەرایەتی هێزەکانی ئاسایشی ناوخۆی باکوری و رۆژهەڵاتی سوریا بە زمانی کوردی راگەیەنراوەکەیان خوێندەوە.
راگەیەنراوەکە بەم شێوەیەیە:
"سوپای داگیرکەری تورک و چەتەکانی کە رۆژانە هێرش دەکەنە سەر زۆربەی هەرێمەکانی باکوور و رۆژهەڵاتی سوریا، بیناسازی شارەکان دەکەنە ئامانجی هێرشەکان و خەڵکی هەرێمەکە ناچار دەکەن کە ماڵ، گوند و شارەکانیان چۆڵ بکەن.
هاوکات، ریزەچالاکی تیرۆریستانی داعش بێوەستان بەردەوامە. بە تایبەتی لە کەمپی هۆڵ، گوندەکانی دێرەزۆر و دەشتاییەکان سوریا کە لە ئەنجامی هێرشەکاندا بە دەیان کەس شەهید و برینداربوون. دیارە کە ئامانجی سەرەکی هێرشی چەتەکانی دەوڵەتی تورک ئەوەیە کە داعش جارێکیتر هەناسەیەک هەڵبمژێت و خۆی کۆبکاتەوە.
لەم دواییانەدا رژێمی سوریا لە شاری قامشلۆ و حەسەکە هەوڵیدا دۆخەکە ئاڵۆز بکات و بەوەش ئامانجی ئەوەیە کە ئارامی و ئاسایشی هەرێمەکە تێک بدات کە برایەتی نێوان پێکهاتەکانی هەرێمەکە تێک بچێت.
ئێمە وەک هیزەکانی ئاسایشی ناوخۆ، پابەندین بە یەکگرتوویی خوێنی گەلی سوریا و ئێمە کار دەکەین کە ئەم ئاڵۆزیەی کە رژێمی سوریا دروستی کردووە کۆتایی پێبهێنین. هەروەها ئێمە یەکبوونی خاک و گەلی سوریا دەپارێزین. ئێمە دەستنیشانی دەکەن کە ئێمە ژیان ئاسایی دەکەینەوە. هەروەها دەرفەت دەدەین کە هەموو کەلوپەلێک بگوازرێتەوە بۆ ئەو شوێنانەی کە رژێمی لێیە لە شارەکانی قامشلۆ و حەسەکە.
لەگەڵ ئەوەی هەموو دەستوەردانەکان و قەیرانەکان، ئێمە وەک هێزەکانی ئاسایشی ناوخۆی باکوری و رۆژهەڵاتی سوریا تەکید لەسەر بەڵێنەکانمان دەکەینەوە کە گەلانی هەرێمەکە بە هەموو پێکهاتەکەیانەوە دەپارێزین و بێوەستان لەدژی هەموو جۆرە تاوان و تیرۆر بە هەموو هێزمان تێدەکۆشین.
ئاماری مانگی کانوونی دووەم
بە بەشداری ٦٩٣ کەس ١٠ خولی جیاوازی رێکخستنی کرانەوە.
تیمەکانی ئەندازیاری مین، ٢٣ مینیان پووچەڵکردەوە. لە هەموو هەرێمەکە ٢٥ تەقینەوە روویاندا و لە ئەنجامدا ١٢ کەسی مەدەنی شەهید بوون و ٢١ کەسی مەدەنیش بریندار بوون.
هێزەکانمان بە هاوکاری هاوپەیمانی نێودەوڵەتی لەدژی شانە شاراوەکانی تیرۆریستان ٧ ئۆپەراسیۆنیان ئەنجامدا.
لە بەردەوامی هەنگاوی 'ژیان بەرپرسیاریە' لەدژی مادەی هوشبەر، هێزەکانمان ٢٢٥ بازرگان و بڵاوکەری مادەی هوشبەریان دەستگیرکرد. ١٤٣ دۆسیەی مادەی هوشبەر ککراونەتەوە، لە هەمانکاتدا ٥ شانەی بازرگانی و قاچاخچێتی شوێنەوارمان دەستگیرکرد.
١٣ تاوانی کوشتن ئاشکراکراون، لە هەمانکاتدا ٤ هەوڵی کوشتن ئەنجامدراوە.
٦ تاوانی ساختەکردنی پارە و ٢١ تاوانی ساختەکردنی بەڵگە فەرمیەکان ئاشکراکراون.
سەبارەت بە دۆسیەی دزی، ١٠٦ رووداوی دزی و ١٤ تاوانی بەکارهێنانی ناسنامەی کەسی دیکە ئاشکراکراون. ١٤ دۆسیەی فێڵبازی و ٢٥ دۆسیەی لادان لە ئەدەب و دیسیپلینی کۆمەڵایەتی، ئاشکراکراون.
دۆخی نائاسایی
٧١٣ جار دۆخی نائاسایی راگەیەنراوە، لەو ژمارەیە ٤١٠ دۆخی سار و ٣٠٣ دۆخی گەرم روویداوە. لە هەمانکاتدا دەستوەردانی بەپەلە لە ٤ رووداوی هاتوچۆ و ٣ رووداوی ئاگرکەوتنەوە کراوە.
هێزەکانی فریاکەوتن
هێزەکانی فریاکەوتن دەستوەردانیان لە ٢٣ دۆخی نائاسایی، ٣ تەقینەوە و ٨٧ رووداوی هاتوچۆدا کرد.
پۆلیسی هاتوچۆ
لەو مانگەدا کۆبوونەوەی ساڵانەی ٢٠٢٠ی پۆلیسی هاتوچۆ ئەنجامدرا. ٣ هەزار و ٢٧٥ کەس مۆڵەتی شۆفێریان بەدەستهێنا.
ئاسایشی خاڵەکانی کۆنتڕۆڵ و ڕێگاکان
خاڵەکانی کۆنتڕۆڵی ئێمە دەستیان بەسەر ١٢٤ چەکی بێمۆڵەتدا گرتووە.
ژمارەیەک هەوڵی قاچاخچێتی پووچەڵکراونەتەوە کە تێیایدا هەزار و ٥٢٠ لیتر بەنزین، ٢٦ هەزار و ٩٤٠ لیتر نەوت و ٦٨ شوێن دەستبەسەرکراون.
دەستوەردان لە ٢٨ رووداو، ئاگرکەوتنەوە و ئاڵۆزی نێوان هاوڵاتیان لەسەر رێگاکان کراوە کە بە کامێرای چاودێری ئاشکراکراون.
ژووری ئۆپەراسیۆن لە ڕێگەی هەوڵی پێوەندی گەرم، پێشوازی لە ٧٣٧ سکاڵا کرد.
هەروەها ٣ هەزار و ٢٨٩ زیندانی رادەستی کۆمیتەی لێپرسینەوە و دادگا کران. ٢ هەزار و ٨١ زیندانی ئازادکران.
هێزەکانی ئاسایشی ناوخۆ – ژن
٤٥ ئەندام، خولی پەروەردەی پسپۆڕی و هزریان بینی. لە هەمانکاتدا هێزی ژنان لەو مانگەدا، لەبارەی ٣ دۆسیەی دزی، دۆسیەیەکی کوشتن، ٢ دۆسیەی نائەخلاوی و دۆسیەیەکی فێڵبازی کاریان کرد. لە هەموو دۆسیەکاندا ئەو ژنانەی دەستگیرکران و لێکۆڵینەوەیان لەبارەوە کرا تاوانبار دەرچوون. دۆسیەیان بەم شێوەیەن: ٧ دۆسیەی کوشتن و ٣ هەوڵدانی کوشتن. ١٩٠ ژن تاوانیان ئەنجامدا و ١١٥ کەسیان ئازاد کران.
ئێمە وەک هێزەکانی ئاسایشی ناوخۆی باکوری و رۆژهەڵاتی سوریا، لە سەرەتای پێکهێنانی هێزەکەمانەوە، بەڵێنمانداوە کە کار و ئەرکی خۆمان بە ئاشکرایی بکەین و بە هەموو توانامانەوە خزمەتی ئاسایشی و ئارامی هاوڵاتیانی باکور و رۆژهەڵاتی سوریا بکەین. ئێمە بەڵێن دووبارە دەکەینەوە کە ئەو سەرکەوتنانەی بە خوێنی شەهیدان بەدەستهێنراوە، بپارێزین و لەسەر هێڵ و ئەو بەڵێنەی بە شەهیداندراوە، هێڵی ژیانی ئازاد و بەشەرەف بۆ خۆمان وەک بناغە وەربگرین."
ف.ق