مەجلیسی ناوچەی عامودا بڵاویکردەوە، لە هێرشەکەی دوێنێی دەوڵەتی تورکدا کە بە درۆن ئەنجام درا بوو، هاووڵاتییەکی مەدەنی شەهید بووە و 2 کەسی دیکەش بریندارن. مەجلیسی ناوچەی عامودا هێرشەکەی شەرمەزار کرد.
مەجلیسی ناوچەی عامودا بە ڕاگەیاندراوێک ئەنجامی هێرشی فڕۆکەیەکی درۆنی بۆ سەر ئۆتۆمبێلێک ئاشکرا کرد.
لە ڕاگەیەندراوەکەدا باس لەوە کراوە کە پلانەکانی دەوڵەتی تورکی داگیرکەر لەدژی گەلی ڕۆژئاوا بەردەوامە و هێزە نێودەوڵەتییەکانیش هاوبەشن لە تاوان و کۆمەڵکوژییەکان.
هەروەها لە ڕاگەیەندراوەکەدا دەست نیشان کراوە کە فڕۆکەیەکی بێ فڕۆکەوانی دەوڵەتی تورکی داگیرکەر لە ناوچەی عامودا ئۆتۆمبێلێکی بۆردومان کردووە و لە ئەنجامدا هاوڵاتییەک شەهید بووە و دوو هاوڵاتیش بریندارن.
مەجلیسی ناوچەکە لە ڕایگەیاندوەکەیدا ئاشکرای کردووە کە گەلی عامودا و گەلی باکور و ڕۆژهەڵاتی سوریا لە پشت شەڕڤانانی خۆیانن و داوای لە بیروڕای گشتی جیهان کرد لە پاڵ گەلی باکور و ڕۆژهەڵاتی سوریا بوەستن و پاڵپشتی ئیدارەی خۆسەر و گەلەکەی بکەن کە لە جیاتی هەموو جیهان شەڕی تیرۆری کردووە.
