ئاسایشی ناوخۆی باکوور و رۆژهەڵاتی سوریا لەسەر ماڵپەڕی فەرمی خۆی، زانیاری لەبارەی ئۆپراسیۆنێکی هێزەکانی دژەتیرۆر (هات) لە دێرەزوور بڵاوکردووەتەوە و ئەوەی خستووەتەڕوو کە لە ئۆپراسیۆنەدا چەتەیەکی هێزەکانی حکومەتی دیمەشق کوژراوە و چەتەیەکیش دەستگیرکراوە.

روونیشی کردووەتەوە، "دوای چالاکییەکانی گەڕان، چاودێری و کۆکردنەوەی زانیاری لەبارەی گروپەکانی رژێمی سوریا کە لە رێگەی کردنە ئامانجی موڵک و ماڵی گشتیی هەوڵیان دەدا سەقامگیری و ئارامی ناوچەکە بشێوێنن، هێزەکانمان هەڵیانکوتایە سەر شوێنەکانیان، پێکدادان روویدا و لە ئەنجامدا چەتەیەک کوژرا و یەکێکی دیکە دەستگیرکرا. هەروەها دەستیش بەسەر بڕێکی زۆر چەک و تەقەمەنیدا گیرا.

ئەو چەک و تەقەمەنی و کەلوپەلانەی دەستیان بەسەردا گیرا:

٣ کڵاشینکۆف

١ چەکی بڕنەو

١٢ مەخزەنی چەکەکان

٦ تەلەفونی موبایل

ئامێری پەیوەندی سورەیا

٤ رەخت

١٠٤ فیشەکی کڵاشینکۆف

٢ دەست جلوبەرگی سەربازی

٢ دەمانچەی و فیشەکەکانیان

٨ فیشەکی پی کە ئێس

٢٨ فیشەکی چەکی راو

ئەو ئۆپراسیۆنە وریایی هێزەکانمان لەپێناو پاراستنی سەقامگیری و ئاسایشی خاکەکەمان و درێژەدانی ئۆپراسیۆنی ئەمنییەکان لەپێناو ریشەکێشکردنی پاشماوەی چەتەکان و پاککردنەوەی ناوچەکان لە هەموو هەڕەشە و مەترسییەک، پشتڕاست دەکاتەوە".

هـ . ب