لە حەڵەب خاڵەکانی پشکنین لادەبرێن
لە شاری حەڵەب، خاڵەکانی نێوان گەڕەکەکانی شێخ مەقسود، ئەشرەفییە و گەڕەکەکانی دیکەی شارەکە لادەبرێن.
لە ١ی نیسان ڕێککەوتنێکی ١٤خاڵی لە نێوان ئەنجومەنی گشتیی گەڕەکی شێخ مەقسود و ئەشرەفیەی شاری حەڵەب و نوێنەرانی حکومەتی دیمەشق واژۆ کرا.
بەمەبەستی جێبەجێکردنی ماددەی پێنجەمی ڕێککەوتنەکە، ئەمڕۆ لایەنەکان دەستیان کرد بە لابردنی خاڵەکانی پشکنینی نێوان هەردوو گەڕەکی حەڵەب و گەڕەکەکانی دیکە.
هەروەها کارکردن بۆ کردنەوەی ڕێگا سەرەکییەکان لە نزیک چوارڕێیانی ئەل شیحان لە ڕۆژئاوای گەڕەکی ئەشرەفیە دەستیپێکردووە.
بڕیارە لە ماوەی چەند کاتژمێری داهاتوودا بەیاننامەیەک بڵاو بکرێتەوە و ڕێگاکان بکرێنەوە.
