شایەتحاڵانی گوندی خەراب کۆرت ڕایانگەیاندووە کە بینیویانە سەربازانی داگیرکەری تورک بە زانا بوون بە مەبەستی تێکدانی ئاسایش و سەقامگیری ناوچەکە، ئاگریان لە کێڵگە کشتوکاڵییەکانی لادێیەکانی قامیشلۆ بەرداوە.

دوێنێ (ئێوارە) سەربازانی دەوڵەتی داگیرکەری تورک لەسەر سنوور ئاگریان لە کێڵگە کشتوکاڵییەکانی گوندی خەراب کۆرت لە باکووری ڕۆژئاوای قامیشلۆ و گوندی دۆدە لە گوندی عامودێ لە کانتۆنی جزیرە بەردا.

لەئەنجامی ئاگرەکەدا ڕووبەرێکی زۆر لە کێڵگەی گەنم و ڕەشکە سووتاوە. دەستبەجێ تیمەکانی ئاگرکوژێنەوە چوونە ناوچەکە و ئاگرەکەیان کوژاندەوە هەرچەندە لەلایەن سەربازانی دەوڵەتی داگیرکەری تورکەوە کرانە ئامانج.

کامیران ئەحمەد و شوکری عوسمان کە دانیشتووی گوندی خەراب کۆرتن، بە چاوی خۆیان ڕووداوەکەیان بینیوە و دەڵێن: "سەعات ١٨:٣٠- ١٩:٠٠ سەربازانی سوپای داگیرکەری تورک بە مۆلۆتۆڤ ئاگریان لە کێڵگەکانی گوندەکە بەرداوە". لە ئەنجامدا ڕووبەرێکی فراوانی "کێڵگەی گەنم و برنجی گوندەکانی خەراب کۆرت و دۆدە و تەهلکێ سووتا. بە گشتی نزیکەی ٥٠٠ دۆنم زەوی بە هۆی ئاگر کەوتنەوەکە سووتا."

ئەحمەد لە درێژەی قسەکانیدا وتی: "کاتێک خەڵکی گوندەکە و تیمەکانی ئاگرکوژێنەوە هەوڵیان دەدا ئاگرەکە بکوژێننەوە، سەربازانی سوپای داگیرکەری تورک ڕاستەوخۆ بە خەڵکەکەیان کردە ئامانج بۆ ئەوەی نەتوانن ئاگرەکە بکوژێننەوە."

شایەتحاڵان دەڵێن: "شەوی ڕابردوو لە ترسی ئەوەی هەموو گوندەکە ئاگر نەگرێت، نەخەوتوون. بەهۆی ئەوەی ئاگرەکە جارێکی دیکە لە نزیک گوندی دۆدە کەوتەوە، بەڵام تیمەکانی ئاگرکوژێنەوە گەیشتنە شوێنی ڕووداوەکە و ئەو هەوڵی کوژاندنەوەیان دا."