تەرمی ئەندامی هێزەکانی ئاسایشی ناوخۆ، شەفیقە ئەسعەد کە ١٤ ی تشرینی دووەم لە شەهبا لە سەر ئەرکەکەی شەهیدبوو، بە مەراسیمێکی جەماوەری لە گۆڕستانی شەهیدانی بەرخۆدانی سەردەم بەخاکسپێردرا.

هەزاران کۆچبەری عەفرین و دانیشتووانی شەهبا تەرمی شەهید شەفیقە ئەسعەدیان لە نەخۆشخانەی ئەڤرین لە ناوچەی فافین وەرگرت و بەرەو گۆڕستانی شەهیدانی بەرخۆدانی سەردەم بەڕێ کەوتن.

لە گۆڕستان مەراسیمەکە بەڕێوەچوو، بە ناوی مەجلیسی بنەماڵەی شەهیدانی کانتۆنی عەفرین و شەهبا، محەمەد ولۆ، سەرەخۆشی لە بنەماڵەی شەهید و دانیشتووانی کانتۆنەکە کرد و گوتی: "ڕێگەمان لەسایەی ئەم شەهیدانەوە ڕووناک دەبێتەوە، ئێمەش ڕێگەی ئەوان دەگرین".

هەروەها سۆزدار شێخۆ سەرەخۆشی لە گەلی باکور و ڕۆژهەڵاتی سوریا کرد و گوتی: "هەرگیز دەستبەرداری بەرخۆدانەکەمان نابین، بەرخۆدانمان دەریدەخات ئێمە لێرەین و عەفرین ڕزگار دەکەین".

پاشان ناسنامەی شەهید خوێنرایەوە و ڕادەستی بنەماڵەکەی کرا. تەرمی شەهید بە هەلهەلەی دایکان بەخاکسپێردرا.