دانیشتووانی ناوچەی شەدادی لە کانتۆنی حەسەکە، تەرمی ئەندامی هێزەکانی ئاسایشی ناوخۆ، عەیاز عەبادی ئەلحوسێنیان بەخاکسپارد کە ٩ ی تشرینی دووەم لە ئەنجامی نەخۆشی دڵ شەهیدبوو.

دەیان دانیشتووی ناوچەکە بنەماڵەی شەهیدان، ئەندامانی دامەزراوەکان و ئیدارە مەدەنییەکان، بەشداری مەراسیمەکەیان کرد. لە مەراسیمەکەدا ئەندامی مەجلیسی بنەماڵەی شەهیدانی ناوچەی شەدادی، ئیمان ئەلفەرەج قسەی کرد و سڵاوی لە فیداکاری شەهیدان کرد. 

ئەندامی بەڕێوەبەری هێزەکانی ئاسایشی ناوخۆی ناوچەی شەدادی، ناجی ئەلشەعیر، سەرەخۆشی لە بنەماڵەی شەهیدان کرد، دووپاتی کردەوە هێزەکانیان درێژە بە تێکۆشانی شەهیدان دەدەن، لەپێناو بەدەستهێنانی سەرکەوتن و دامەزراندنی سوریایەکی دیموکراتیک.

پاشان ئەندامی مەجلیسی بنەماڵەی شەهیدان زەهرا ئەلعەبد، ناسنامەی شەهیدی خوێنەوە و ڕادەستی بنەماڵەکەی کرد.