ناوەندی راگەیاندن و چاپەمەنی یەکینەکانی پاراستنی گەل (یەپەگە) سەبارەت بە بابەتەکە لەسەر ماڵپەڕی خۆی راگەیەندراوێکی بڵاوکردەوە و تیایدا هاتووە، هاوڕێمان سەربەست حەڵەب لە رۆژی ١١ی تشرینی دووەمدا کاتێک لە حەڵەب لەسەر ئەرکی خۆی بوو لە ئەنجامی رووداوێکدا شەهیدبوو.

ئاماژەی بەوەشکرد، کە هەڤاڵمان سەربەست لە شاری عەفرین و لە ناو بنەماڵەیەکی نیشتمانپەروەر و وڵاتپارێزدا لەدایکبووە و لە ساڵی ٢٠٢٢ لە سەر بنەمای ئازادی خاک و گەلەکەمان بە تایبەتی رزگارکردنی شارە داگیرکراوەکان بەشداری ریزەکانمان بووە. بە بەشداربوونی پڕ ورەو و بە رەنج و لەخۆبوردەیی، پاکی و بێگەردی خۆی بەرامبەر بە هەڤاڵانی، بووە کەسایەتیەکی نمونەیی".

یەپەگە وێڕای دووپاتکردنەوەی بەڵێنی خۆیان بۆ هێنانەدی خەون و ئامانجەکانی سەرجەم شەهیدان رایگەیاندووە: "پرسە و سەرەخۆشی ئاراستەی بنەماڵەی شەهید سەربەست و گەلە وڵاتپاڕێزەکەمان دەکەین".

ناسنامەی شەهید بەم جۆرەیە:

ناسناو: سەربەست حەڵەب

ناو و پاشناو: رەفعەت عەلی

ناوی دایک: حەیات

ناوی باوک: خالید

شوێن و کاتی شەهیدبوون: حەڵەب/ ١١ی تشرینی دووەمی ٢٠٢٣

هـ . ب