دەوڵەتی تورک و چەتەکانی لە عەفرین ٣ هاوڵاتی کوردیان رفاند
رێکخراوی مافی مرۆڤی عەفرین رایگەیاند، سوپای داگیرکەری تورک و چەتەکانی لە شاری عەفرین ٣ هاوڵاتی کوردی مەدەنیان رفاندووە.
رێکخراوی مافی مرۆڤی عەفرین رایگەیاند، سوپای داگیرکەری تورک و چەتەکانی لە شاری عەفرین ٣ هاوڵاتی کوردی مەدەنیان رفاندووە.
رێکخستنی مافی مرۆڤی عەفرین لە لێدوانێکدا رایگەیاند، لە گوندی شێخۆکای سەر بە ناوچەی مەعبەدای عەفرین ٣ هاوڵاتی کوردی مەدەنی لە لایەن چەتەکانی دەوڵەتی تورکەوە رفێنراون.
بە پێی زانیاریەکانی ئەو رێکخستنە، ناوی هاوڵاتیە رفێنراوەکان بریتیە لە، محمد مەنان رەشۆ (٥٣ ساڵ)، محمد محمد رەشۆ (٥٩ ساڵ) و زەکی هەنا رەشۆ (٤٨ ساڵ) کە لە ئێستادا براون بۆ گوندی عەمارای سەر بە ناوچەی مەعبەدا.
رێکخستنی مافی مرۆڤی عەفرین هەروەها رایگەیاندووە، هاوڵاتی محمد محمد رەشۆ پێشووتر ٣ جاری تریش لە لایەن چەتەکانەوە رفێنراوە و هەموو جارێکیش بە فیدیە ئازاد کراوە.
لە لایەکی ترەوە رێکخراوی مافی مرۆڤی عەفرین سەر لە بەیانی ئەمڕۆ رایگەیاندبوو، لە گوندی تەرمیشا لە ناوچەى شییەی عەفرین ٣ کوردی مەدەنی لەلایەن دەزگای سیخوڕیی دەوڵەتی تورک (میت)ەوە رفێنراون و چارەنووسیان نادیارە.
ز.ش