لە شەهبا بە هۆی تەقینەوەی مینێکی داعشەوە دوو منداڵ بریندار بوون
لە ناوچەی شەهبای باکور و رۆژهەڵاتی سوریا مینێکی چێندراوی پاشماوەی داعشەکان تەقیەوەوە و بەو هۆیەوە دوو منداڵ بریندار بوون.
لە ناوچەی شەهبای باکور و رۆژهەڵاتی سوریا مینێکی چێندراوی پاشماوەی داعشەکان تەقیەوەوە و بەو هۆیەوە دوو منداڵ بریندار بوون.
سەرچاوەیەک لە شەهباوە رایگەیاند، لە گوندی تل شعیر مینێک تەقیوەتەوە کە مینەکە هی چەتەکانی داعشە و لە کاتی داگیرکردنی ناوچەکەدا ئەو مینە چێنراوە.
لە ئەنجامی تەقینەوەی مینەکەدا، دوو منداڵ بریندار بوون بە ناوەکانی شاهی مەنان عەبدولکەریم (١٤ ساڵان) و یەحیا حسێن (١١ ساڵان) کە خەڵکی شاری عەفرینن و بە هۆی داگیرکردنی شارەکەیان لە لایەن دەوڵەتی داگیرکەری تورکەوە، کۆچی شەهبایان کردووە.
ئەو دوو منداڵە بریندارە رەوانەی نەخۆشخانەی ئاڤرین کراون و لە ئێستادا بارودۆخی تەندروستیان باشە.
ز.ش