لە شەڕی نێوان حکومەتی سوریا و داعشدا ٩٠ کەس کوژران
مەرسەدی سوری بۆ مافەکانی مرۆڤ ڕایگەیاند، لە باکووری سوریا لە شەڕی نێوان هێزەکانی حکومەتی سوریا و چەتەکانی داعشدا ٩٠ کەس کوژراون.
مەرسەدی سوری بۆ مافەکانی مرۆڤ ڕایگەیاند، لە باکووری سوریا لە شەڕی نێوان هێزەکانی حکومەتی سوریا و چەتەکانی داعشدا ٩٠ کەس کوژراون.
مەرسەدی سوری وتیشی، لە سەرەتای مانگی تشرینی یەکەمەوە تا ئێستا لە دەشتی نێوان ڕەوا، حەلەب و حومسدا ٤١ سەربازی سوریا و ٤٩ چەتەی داعش کوژراون.
ڕاگەیەنرا بە تەنها لە ماوەی ٢٤ کاتژمێری ڕابردوودا زیاتر لە ١٠ سەربازی حکومەتی سوریا و ١٣ چەتەی داعش کوژراون.
مەرسەدی سوری دەڵێت، هێزی ئاسمانی سوریا و ڕووسیا بارەگاکانی داعش بۆردومان دەکەن.
چەتەکانی داعش لە مانگی ئازاری ٢٠١٩دا تێکشکێنران، بەڵام لە ناچە دەشتاییەکانی نێوان حومس و دێرەزۆر هێرشەکانیان بەردەوامە.
چەتەکانی داعش بەرپرسیاری هێرشێکیان لە نزیک دێرەزۆر گرتە ئەستۆ کە لە ئەنجامیدا جەنەڕاڵێکی ڕووس و ٢ سەرباز کوژرابوون.
ف.ق