هەپەگە: لە بەرزاییەکانی شڕنەخ سەربازێکی دوژمن سزادرا
لە بەرزاییەکانی جوودی شڕنەخ لە ئەنجامی چالاکیەکی هێزەکانی گەریلادا سەربازێکی سوپای تورک کوژرا.
لە بەرزاییەکانی جوودی شڕنەخ لە ئەنجامی چالاکیەکی هێزەکانی گەریلادا سەربازێکی سوپای تورک کوژرا.
ناوەندی ڕاگەیاندن و چاپەمەنی هەپەگە لەمبارەیەوە ڕاگەیەنراوێکی بڵاوکردەوە.
ڕاگەیەنراوەکە بەم شێوەیە:
"لە ١٢ی حوزەیراندا کاتژمێڕ ١٨:٥٠ هێزەکانمان لە چوارچێوەی هەنگاوی تۆڵەسەندنەوەی شەهید مەدیا ماوا و ڕزگار گەڤەردا لە هەرێمی جوودی شڕنەخ لەدژی سوپای داگیرکەری تورک لە گۆڕەپانی ڕێڕەوی جبرائیل چالاکیان ئەنجامدا.
٢ی حوزەیران لە گۆڕەپانی شەهید مزگین لە بەدلیس، هێزەکانمان و سوپای داگیرکەری تورک ڕووبەڕووی یەک بوونەوە. لە ٣ی حوزەیراندا کاتژمێر ٠٣:٠٠ هێزە داگیرکەران بە هەلیکۆپتەری سکۆرسکی سەربازیان لە هەرێمەکە بڵاوکردەوە و دەستیان بە ئۆپەڕاسیۆن کرد. ئۆپەڕاسیۆن تا ٧ی حوزەیران بەردەوام بوو و زانیاریەکان لەبارەی ئەو ئۆپەڕاسیۆنە بۆ ڕای گشتی بڵاودەکرێتەوە.
فڕۆکە جەنگیەکانی سوپای داگیرکەری تورک هێرشیان کردە سەر هەرێمەکانی پاراستنی میدیا و لەو چوارچێوەیەدا:
١٣ی حوزەیران کاتژمێر ١٣:٠٠ جیلۆی بچووکی هەرێمی زاپ، ١٤ی حوزەیران (ئەمڕۆ) کاتژمێر ٠٤:٠٠ گۆڕەپانی ساجای هەرێمی زاپ بۆردومانکران.
١٣ی حوزەیران کاتژمێر ١٩:٢٠ گۆرەپانی شەهید دیرەنی هەرێمی ئاڤاشینیش بۆردومانکرا. بۆردومانەکە زیانی بە هێزەکانمان نەگەیاند."
ف.ق