شەهموز ئیلهان کە لە زیندانی ئەمنی باڵای وان بۆ ماوەی ٣٠ ساڵ زیندانی کرابوو، دوێنێ ئازاد کرا. لە ساڵی 1994 ئیلهان لە ناوچەی سلۆپی شڕنەخ دەستبەسەر و ڕووبەڕووی ئەشکەنجەی قورس بوەوە. دادگای ئەمنی دەوڵەت (SSC) بە بیانووی "تێکدانی یەکگرتوویی و یەکپارچەیی دەوڵەت سزای هەتاهەتایی بەسەر شەهموزدا سەپاند. ئیلهان یەکێک لەو زیندانییە نەخۆشانە بوو دوای ٣٠ ساڵ دوێنێ ئازاد کرا و ئەمڕۆ گەڕایەوە شاری شڕنەخ شارەکەی خۆی. لە سلۆپی لەلایەن محەمەد زەکی ئیرمەز پەرلەمانتاری پارتی یەکسانی و دیموکراسی گەلان لە شرنەخ و ئەندامانی ئەنجومەنی دایکانی ئاشتی،توهایدەر و بزووتنەوەی ژنانی ئازاد (تەژەئا) پێشوازی لێکرا.

دوای پێشوازییەکە، جەماوەرە ئیلهان -یان هەتا ماڵی خۆیان هاوڕیەتی کرد.