ئەمڕۆ ٣٠ گەریلای ئازادیی کوردستان، لە چوارچێوەی پڕۆسەی ئاشتی و کۆمەڵگای دیموکراتیک، لە مەڕاسیمێکی سیمبولیکدا چەکەکانیان لە بەردەم ئەشکەوتی جاسەنە سووتاند.

بەڕێوەبەرى مۆزەخانەى نیشتمانیى ئەمنە سوورەکە لە سلێمانی، ئاکۆ غەریب گوتی: "پێشتر بڕیارێک هەبوو ئەو چەکانەى لەلایەن پارتى کرێکارانى کوردستان(پەکەکە) سووتێندران، بهێندرێتە مۆزەخانەى نیشتمانیى ئەمنەسوورەکە و لەوێ نمایش بکرێن و بهێڵرێنەوە، بەڵام بڕیارەکە گۆڕانکاریى بەسەردا هاتووە".

هەروەها گوتی: "چەکە سووێندراوەکان هەر لە ئەشکەوتى جاسەنە دەهێڵرێنەوە و ڕۆژى شەمە ١٢ـى تەمووز لە ڕێوڕەسمێکدا شوێنى تایبەت بۆ پاراستنى چەکەکان دیاریدەکرێت و بڕیار لە چۆنێتى پاراستنیان دەدرێت".