بانگهێشتنامەکە لەلایەن کۆمیتەی ئامادەکارییەکانی ١ی ئایارەوە کراوە کە زیاتر لە ٦٠ ڕێکخراو، پارتە سیاسی، سەندیکا و ڕێکخراوەکانی کۆمەڵگەی مەدەنی سویسرا پێکهاتووە.

لە نامەیەکدا کە کۆمیتەکە بۆ ڕێبەر ئاپو کە لە زیندانی ئیمرالیدا ڕاگیراوە، ناردوویەتی ئاماژە بە مۆدێلە ئەڵتەرناتیفە کۆمەڵگەییەکانی ڕێبەر ئاپۆ کراوە.

لە نامەکەدا هاتووە: "هەوڵدان و دڵسۆزیتان بۆ ئاشتی و دیموکراسی، پەیوەست بە شەڕ و ڕووداوەکانی ڕۆژهەڵاتی ناوەڕاست، تورکیا و کوردستان لە مێژەوە هەستپێکراوە. هاوکات ئایدیاکانتان لە ڕۆژهەڵاتی ناوەڕاست، ئەورووپا و چەندی شوێنی جیهان بۆ بونیادنانی کۆمەڵگەیەکی نوێی دیموکراتیکی، وەک ڕوانگە دەخوێندرێتەوە و پەسەند دەکرێت."

پرەنسیپی هاودەنگی ئێوە لەگەڵ هەموو ئەو کەسانەی لە سەرانسەری جیهاندا بەدوای مۆدێلی کۆمەڵایەتی جێگرەوەدا دەگەڕێن، لەوانە سۆسیالیستەکان، دیموکرات، ئیکۆلۆژیست، فێمینیست، ئەنارشیست، ژنان، گەنجان، ئینتەرناسیۆناڵیستەکان و پێکهاتە جۆراوجۆرەکان، بە شێوەیەکی بەرفراوان قبوڵکراوە.

کۆمیتەی ١ی ئایار زوریخ هەمیشە پاڵپشتی تێکۆشانی گەلی کورد بووە بۆ ئازادی، دیموکراسی، چارەسەری پرسی کورد و بە هاوسۆزییەکی زۆرەوە بەدواداچوون بۆ پێشهاتە نوێیەکان دەکات."

کۆمیتەی ئامادەکار لە نامەکەیدا بەم شێوەیە بانگهێشتی ڕێبەر ئاپۆ دەکات: "بۆ زۆرینەی کوردان ئێوە وەک گرنگترین نوێنەری سیاسی قبوڵ کراون. لەبەر هەموو ئەم هۆکارانە هیوادارین لە ١ی ئایاردا لە گەڵ خۆماندا بتبینین. بەشداربوونتان بۆ تێکۆشانە سیاسییەکانی سویسرا دەبێتە سەرچاوەی سوودوەرگرتن و دەوڵەمەندییەکی مەزن."

شایانی باسە، کۆمیتەکە بە هەمان مەبەست لە ساڵی ٢٠١٣دا لە کاتی 'پرۆسەی چارەسەری' نێوان تورکیا و پەکەکە بانگێشتنامەیەکی هاوشێوەیەی بۆ ڕێبەر ئاپۆ ناردبوو.