کوردستانیان وەڵامی بانگەوازییەکەی ناوەندی کۆمەڵگەی دیموکراتیکی کوردی جنێڤ (جەدەکە-ج)یان دایەوە و لە نیوەشەودا لە پێش وێستگەی شەمەندەنەفەری ناوەندی کۆبوونەوە.

جەماوەری گەل لە دژی هێرشە کۆمەڵکوژ و داگیرکارییەکانی دەوڵەتی تورک و چەتەکانی لەسەر خەڵکی مەدەنی لە بەنداوی تشرین بە بەرزکرنەوەی ئاڵاکانی پەکەکە و یەپەژە، یەپەگە، وە بەرزکردنەوەی وێنەی ڕێبەر ئاپۆ و  بە درووشمی 'بژی بەرخۆدانی ڕۆژئاوا' هێرشەکانیان شەرمەزار کرد.

لە چالاکییەکەدا لەسەر ناوی جەدەکە-ج حەسەن ئینجی قسەیکرد و سەرنجی خستەسەر هێرشەکانی دەوڵەتی تورک لەسەر جەماوەری گەل و وتی: "لەم هێرشانەدا چەندین کەس کۆمەڵکوژ کراون. پێویستە جیهان لە دژی ئەم هێرشانە بوەستێتەوە."