لە ماوەی ٢٤ کاتژمێری ڕابردوودا ٩٠ کەس لە غەززە کوژران
ڕاگەیەندرا کە لە ماوەی ٢٤ کاتژمێری ڕابردوودا لە هێرشەکانی ئیسرائیل بۆ سەر کەرتی غەززە، نزیکەی ٩٠ کەس کوژراون.
بەپێی ڕاگەیەندراوی وەزارەتی تەندروستی حکومەتی حەماس ڕۆژی یەکشەممە لە ٢٤ کاتژمێری ڕابردوودا لانیکەم ٨٨ فەلەستینی لە کەرتی غەززە کوژراون.
ڕاپۆرتەکان ئاماژە بەوە دەکات کە لە سەرەتای شەڕەکەوە لە ٧ی تشرینی یەکەمی ٢٠٢٣ەوە تا ئێستا ٤٥ هەزار و ٨٠٥ فەلەستینی کوژراون.
لە بەیاننامەی وەزارەتەکەدا ئاماژە بەوەشکراوە کە لە سەرەتای شەڕەوە تا ئێستا ١٠٩ هەزار و ٦٤ کەس لە کەرتی غەززە بریندار بوون.
