لە شاری ئینسبروکی نەمسا جەژنی نەورۆز پیرۆز کرا
کوردانی دانیشتووی ویلایەتی تیرۆل جەژنی نەورۆزیان پیرۆز کرد و هاوکات داوای ئازادیی جەستەیی ڕێبەر ئاپۆیان کرد.
بە دیمەن
کوردانی دانیشتووی ویلایەتی تیرۆلی نەمسا لە شاری ئینسبروک جەژنی نەورۆزیان پیرۆز کرد. جەژنەکە لە لایەن ناوەندی کۆمەڵگەی دیموکراتیکی کوردانی شاری ئاینسبروک ڕێکخرابوو. ئاهەنگەکە بە خولەکێک بێدەنگی بۆ یادی شەهیدانی ئازادی دەستی پێکرد. هۆڵی ئاهەنگەکە بە وێنەکانی ڕێبەر ئاپۆ و ئاڵاکانی کوردستان ڕازێنرابووەوە و بەردەوام دروشمی "بژی ڕێبەر ئاپۆ" و "بژی نەورۆز" دەوترایەوە.
لە مەراسیمەکەدا فوئاد کاڤ، سیاسەتمەداری کورد باسی لە واتای نەورۆز و بانگەوازییەکەی ڕێبەر ئاپۆ بۆ "ئاشتی و کۆمەڵگای دیموکراتیک" کرد. هاوکات جەخت لەوە کرایەوە کە بە پێی ئاستی پشتیوانی کورد و دۆستانی ئەورووپایی بانگەوازییەکەی ڕێبەر ئاپۆ و ئازادی جەستەیی بەدی دێت.
هونەرمەندان شەهریبانا کوردی، سیپان خەڵات، ئازاد بەدران، ئەردۆغان ئەمیر، دەڤریم ئازاد، گروپی دەم، و گروپی دمهات چوونە سەر شانۆ و بە گۆرانییەکانیان جەماوەریان هێنایە جۆش.
لوتراخ
لە شاری لۆتراخ، ورارلبێرگی نەمسا، کوردان و دۆستانیان جەژنی نەورۆزیان پیرۆز کرد. ئاهەنگە لەلایەن کۆمەڵەی کولتووری و هونەری سارا ئامادەکاری بۆ کرابوو.
هەروەها هونەرمەندان لە ئاهەنگەکەدا گۆرانیەکانیان پێشکەش کرد.
