تەجەشە، بەرامبەر بە هێرشی ڕەگەزپەرستی لە بەلژیکا ناڕەزایەتی نیشاندا و داوای لەگەنجان کرد کە خۆیان لە هێرشی فاشیستان بپارێزن و نەکەونە دای ئاژاوەگێڕییەوە وهەروەها داوای بەشداری لە خۆپئشاندانی برۆکسل کرد.
بزووتنەوەی گەنجانی شۆڕشگێڕ (تەجەشە) سەبارەت بە هێرشی ڕەگەزپەرستانە کە لە بەلژیکا دژی کوردان لە کاتی گەڕانەوەیان لە نەورۆز ئەنجامدرا و لە ئەنجامدا ٦ کورد بە سەختی بریندار بوون، ڕاگەیەندراوێکی بڵاوکردەوە.
لە ڕاگەیاندراوەکەدا هاتووە، "دەوڵەتی مرۆڤکوژی تورک لە ڕێگای هێرشی فاشیستیی چەتە ڕەگەزپەرستەکانیەوە لە بەلژیکا ٦ کەس لە گەلەکەمانی بریندار کرد و ویستی بنەماڵەیەکی وڵاتپارێزمان بسوتێنێت. نەورۆز بە مزگێنی چەکی دژە درۆنی گەریلاکان لە هەموو شوێنێک پیرۆز کرا و لە هەموو گۆشەوکەناری جیهان ئاهەنگیان بۆ گێڕا، ملیۆنان کورد بە ڕۆحی بەرخۆدانی نەتەوەیی و حەماسەتی نەورۆزەوە لە دەوری یەک کۆبوونەوە، دەسەڵاتداری فاشیستی ئاکەپە-مەهەپە بەو سەرکەوتنەی گەریلا تێکچوو و لە ناوەندی ئەوروپا دەستی بە تیرۆری فاشیستانە کرد، گەنجانی وڵاتپارێزی کورد لە هەر شوێنێک بن پێویستە خۆیان لە هێرشی فاشیستی بپارێزن، بەبێ ئەوەی بکەونە داوی ئاژاوە گێڕییەوە و لە بەرامبەری هەر جۆرە هێرشێکدا ئامادەییان هەبێت.
لە ڕاگەیەندراوەکەدا ئاماژە بەوە کراوە کە ئەوان بە بەرفراوان کردنی تێکۆشان و بەرگریکردن لە خۆیان وڵامی هێرشە ئاژاوەگێڕییەکان دەدەنەوە.
تەجەشە، داوای لە هەموو کوردان کرد کە لە ٢٥ی ئادار کاتژمێر ١٢:٠٠ لە بەردەم پەرلەمانی ئەوروپا بەشداریی خۆپیشاندان بن.
