ئێران ٩ کەسی تری لە سێدارەدا
ڕاگەیاندرا لە ئێران ٩ کەس کە بە تاوانی بازرگانیکردن بە مادەی هۆشبەر حوکمدرابوون، لە سێدارەدران.
بەپێی هەواڵی ئاژانسی هەواڵی فەرمی ئێرنا سزای ٩ کەس کە تۆمەتباربوون بە بازرگانیکردن بە مادەی هۆشبەر و دادگایکرابوون و سزادران، لەسێدارەدران.
بەپێی هەواڵەکە ٣ کەس لەوکەسانە "ڕۆژانی ڕابردوو" لە زیندانێکی پارێزگای ئەردەبیل، بە تاوانی " بازگانیکردن بە مادەی هیرۆین و ئەفیون" لە سێدارەدراون.
ئێرنا ڕایگەیاند کە ٦ کەسی تر بەتاوانی بازگانیکردن بە "متامفتامین،هیرۆین و ماریگوانا" لەسێدارەدراون.
بەپێی داتاکانی ڕێکخراوەکانی مافی مرۆڤ لە ساڵی ٢٠٢٣ دا ٨٢٣ کەس لە ئێران لە سێدارەدراون.
