ڕۆژی یەکشەمە بە سەرپەڕشتی حکومەتی ئەڵمانیا کۆنفڕانسی لیبیا لە بەرلین بەڕێوەدەچێت. سەرۆکانی ئەمریکا، ڕووسیا، چین، بەریتانیا، فەڕەنسا، ئیتاڵیا، میسر، ئیماراتی عەرەبی و جەزائیریش ئامادەی کۆنفڕانسەکە دەبن. هەروەها مێرکڵ ئەردۆغانیشی بانگهێشت کردووە.

هەروەها فایز سەراج سەرۆکی حکومەتی هاوپەیمانی نەتەوەیی لیبیا و ژەنەراڵ خەلیفە حەفتەریش بەشداری لە کۆنفڕانسەکەدا دەکەن.

هەروەها ئەنتۆنیۆ گوتەرەس سکرتێری گشتی نەتەوە یەکگرتووەکان، کەسایەتی یەکێتی ئەوروپا و کۆمکاری عەرەبیش بانگهێشتکراون.

'بەشداریکردنی ئەردۆغان شەرمەزار دەکرێت'

بە هۆی ئەوەی ئەردۆغانیش بانگهیشتکراوە، ئۆپۆزسیۆنی ئەڵمانیا و Riseup4Rojava کە ژمارەیەکی زۆر ئۆرگان و ڕێکخستن لە خۆی دەگرێت، دەستیان بە ئامادەکاری بۆ چالاکیەکی فراوان کردووە.

ڕۆژی یەکسەممە کاتژمێر ١٠:٠٠ کە ئەردۆغان گەیشتە بەرلین لە نێوان باڵەخانەی سەرۆکایەتی و پەرلەمانی فیدڕالدا چالاکیەکە ئەنجامدەدرێت.

Riseup4Rojava لە ڕاگەیەنراوێکدا ئاماژەی بە هێرشەکانی سەر باکوور و ڕۆژهەڵاتی سوریا و تاوانەکانی ئەردۆغان کرد و ڕایگەیاند، تاوانباری شەڕ چۆن پێشوازی بکرێت، بەو شێوەیە پێشوازی لە ئەردۆغان دەکەن.

Riseup4Rojava بە هۆی بانگهێشتکردنی ئەردۆغانەوە ناڕەزایی پیشاندا و ڕایگەیاند، بە فەرمانی ئەردۆغان چەتە بۆ لیبیا دەنێردرێن، ئەم زەمینەیە وادەکات، ئەردۆغانی دیکتاتۆر لە ناوچەکەدا ببێتە هێزێکی گەورە.

ف.ق