حکومەت تەمەنی ٦٤ ساڵی وەک تەمەنی خانەنشینی دیار کرد. لەگەڵ ئەوەی حکومەت بڕیارەکەی ڕاگرتووە، بەڵام سەندیکاکان لەسەر هەڵوێستیان بەردەوامن.

کۆتایی ئەم مانگە حکومەت لەگەڵ سەندیکا و نوێنەرانی کارسازان دەست بە دانوستان دەکات. ئەمەش لە کاتێکدایە مانگرتن لە سێکتەری گواستنەوە بەردەوامە. مانگرتنەکە ٤٢ ڕۆژی تێپەڕاند. کارمەندانی ڕێگای ئاسن و کۆمپانیای گواستنەوەی پاریس و دەوروبەری بەشداریان لە مانگرتن کردووە.

بە هۆی مانگرتنەکە گەشتەکانی میترۆ کەمیانکردووە و لە زۆر ناوچە گەشت ئەنجامنادرێن.

لە فەڕەنسا یەک لەسەر پێنجی گەشتەکان لە هێڵی ئاسن و گەشتەکانی هەرێمی و لە پاریسیش یەک لەسەرچواری گەشتەکان هەڵوەشێنراون.

لە فەڕەنسا لە ٥ی کانونی یەکەمەوە لەدژی یاسای خانەنشینی سەندیکا و یەکێتی خوێندکاران هەڵوێستیان دەربڕیوە.

ف.ق