جە ساڵەو ٢٠٠٧کۆنگرەو نەتەوەیی کوردستانی کەنەکە  پېشنیازش کەرد، کە ڕۆو ١٥ وئایاری  کە هامکاتا چەنی ساڵڕۆ بەرشیەی گۆڤار و هاواری جە ساڵەو ١٩٣٢ی بە ڕۆو جەژنەو زوانو کوردی بنریۆرە.

هەر چا ساڵېنە جمیەروو وانای بە زوانو کوردی "تە زە پە" جە سەر نیشتو کوردسانی ١٥ و ئایاریش بەڕۆو زۋانی کوردی قبوڵ کەرد و زەماونەو رۆو زۋانی کوردیش بەرد ڕاوە.

چا وەختۆ تا ئیسە جە ڕۆو ١٥ ئایاریینە کە کەرۆ ٢٥ وبانە مەڕی جە سەر نیشتو و پانیشتو و وەر نیشتو کوردسانی و تەنانەت ڕەوەندو کوردی جە ئەوروپا چی رووەنە چالاکییشا وەڕاوە بەردەن پەی موبارەک کەردەو زۋانی کوردی.

ڕۆو زۋانی کوردی جە کاتیوەن کە هامکاتا چەنی بەر کەردەی گۆڤارو هاواری کە پەی ئەوڵجاری جە وەڵینگەو کوردینە بە زۋانی کوردی بە پیتو لاتینی نویسیان، پەوکی یاگېوە تایبەتش گیرتەن جە وەڵۍ وستەی زۋانی کوردینە وە بیەن بە بنکێوە خاسو گرنگ پەی نویستەی کوردی بە ڕینوسی لاتینی.

بە کاریگەری ئا گۆڤارەیە سەرو زۋانی کوردی وەڵۍ وستەی زوانەکەی ڕۆو ١٥ ئایاری کە کەرۆ ڕۆو بەرشیەی یووەم گۆڤارو هاواری ،هەر هەمان ڕۆیچ دیاری کریا بە ڕۆو جەژنەو زۋانی کوردی.

کەردەیۆ ڕۆو زۋانی کوردی جە کاتیوەن کە جە ئیسەنە بەمەڵامەتو دۆڵەتە ئەرە گیرەکا گەرەکشانە زۋانی کوردی جە بەین بەرا  تەنانەت جە سەر نیشتو کوردسانینە قسە کەردەی بە زۋانی کوردی ئاستەنگیش پەی وەش کریان ،تەنانەت وانای بە زۋانی کوردی قەدەغە کریان.

هامکاتیچ جە پانیشتو کوردسانی جە وانینگەکانە خەریکا زوانی کوردی تەمام کاڵ بۆوە .بە پلانېوە مەترسی دار وەرە وەرە وانینگی تورکی وئینگلیزیی و فەرەنسیی گرنگیشا پنە مڎریۆ ،کە بەداخۆ وانەرەکی چی وانینگەنە بە جۆرێ پەروەردە کریا کە زۋانی کوردی کە زوانو ئەڎایشانە فکرشا بشۆوەو نەزانا قسیش پەنە کەرا،

نیایرە ڕوێوە پیسەو جەژنەو زوانو کوردی گرنگی ویش هەنش سەرو زۋانی کوردی بەتایبەتیچ چی روەنە چن سیمیناریو جالاکیی وەڕاوە بریا پیناو هۆشیارکەردەیۆ گلیرگەینە تا پارێزنای جە زۋانی ئەڎایشا کەرانۍ.  جە بارەو گرنگی زوانو ئەڎێوە ڕابەر ئاپۆ جە بەرگو پەنجو مەنیفیستۆ دیموکراتینە ماچۆ: "ئاستو وەڵیکەوتەو زوانی بە ماناو ئاستو وەڵیکەوتەو ژیانی مێ. ئا گلیرگەی زوانو ئەڎێش وەدەس ئاردەبۆ بییەن بە ساحیبو بەهانە بەقوەتەکۍ ژیانی''.