جە ڕاپۆرتو پاشێلکەردەی وەرانەوەر بە هەدەپە-ی جە ٢٠٢٠نە ئاشکرا کریان: "جە ٤ ساڵێ ویەردێنە ٢٠ هەزار ئەندامێ، ڕاوەبەرێ، پارلەمانتارێ و هامشارەدارێ (هەدەپە)ی دەستگیرێ کریێنێ و ١٠ هەزارێشان بە زیندانیکەردەی سزێ دریێنێ.
سالیم کاپڵان، یاگەگیرو هامسەرۆکانو (هەدەپە)ی پەی کاروبارو ڕاوەبەری دلێوێی، ڕاپۆرتو پاشێلکاریەکێ ڕژێمو تورکیایش دژ بە پارتەکەیشان جە ساڵەو ٢٠٢٠یەنە بە ئی جۆرە ئاشکرا کەردەن:
"دادگا، پۆلیس و ئاساییش"
ئەرەمەرزیاکێ (دادگا، پۆلیس و ئاساییش)ی جە تورکیا وزیێنێ چێرو دەسەڵاتداری هامپەیمانی (ئاکەپە– مەهەپە)ی و دژ بە هەدەپە-ی و ئۆپۆزسیۆنی و گەلی و پەی پاشێلکەردەی مافەکێ مرۆڤی و هێقم کەردەی دەسەڵاتداری وێشان بەکارێشان مەبەرانێ.
"ئۆپراسیۆنەکێ قڕکەردەی سیاسی"
جە ٢٠١٥نە، ٣ هەزارێ جە ئەندامێ، ڕاوەبەرێ، پارلەمانتارێ و شارەدارێ هەدەپە-ی دەستگیرێ کریێنێ و دماتەر زیندانیێ کریێنێ.
تەنها جە ٢٠٢٠نە، هەزار و ٧٥٠ ئەندامێ و ڕاوەبەرێ هەدەپە-ی دەستگیرێ کرییێنێ و ١٧٢ کەسیشان زیندانیێ کریێنێ.
"ئا سزێ کە پەی پارلەمانتارە بەدیلگیریاکێ هەدەپە-ی بڕیێنێوە"
سەڵاحەدین دەمیرتاش؛ ٤ ساڵێ و ٨ مانگۍ
فیگەن یوکسەک داغ؛ ساڵە و نیمێوە
ئیدریس بالوکەن؛ ١٦ ساڵێ و ٨ مانگۍ
چاغڵار دەمیرەڵ؛ ٧ ساڵێ و ٦ مانگۍ
عەبدوڵا زەیدان؛ ٨ ساڵێ و مانگێوە و ١٥ ڕوێ
گولسەر یڵدرم؛ ٧ ساڵێ و ٦ مانگۍ
موسا فاریس ئۆگیولاری؛ ٩ ساڵێ
"دەستگیرکەردەکێ چێرو نامێ (ونەکۆڵای جە ڤییەرەکێ کۆبانێ) جە ٦-٨ی تشرینی دووەمی"
جە دمای ٦ ساڵان بڕیار پەی دەستگیرکەردەی ئەندامێ دەستەو ڕاوەبەری ناوەندی وەرینو هەدەپە-ی دریا و جە چوارچوەشەنە؛ جە ٢٥و ئەیلولو ٢٠٢٠ی ئۆپەراسیۆن ئەنجام دریا و ٢٠ ڕاوەبەرێ هەدەپە-ی دەستگیرێ کریێ و ١٧شان بە زیندانیکەردەی سزێ دریێ. هاموەخت ٢٢ ساڵێ و ٣ مانگێ سزاو زیندانی پەی لەیلا گۆڤەن، هامسەرۆکەو کۆنگرەو کۆمەڵگەو دیموکراتیکی (کەجەدە) بڕیاوە.
"٤٨ شارەوانیێ دەستگیریان سەرشارە"
جە ١٩ی ئابو ٢٠١٩ی تا کۆتایی ٢٠٢٠ی، ٤٨ شارەوانیێ هەدەپە-ی جەلاو قەیومەکێ ئاکەپە-یەوە دەستگیریان سەرشارە.
هاموەخت، ٣٧ هامشارەدارێ شارەوانیەکێ هەدەپە-ی بە زیندانیکەردەی سزێ دریێنی.
٤٨ شارەوانیێ هەدەپە-ی قەیومێشان سەرە سەپیێنێ.
١٧ هامشارەدارێ هەدەپە-ی هیشتای زیندانیێنێ و ئازادێ نەکریێنێ کە نامەکەێشان بە ئی جۆرەنێ:
عەدنان سەلجوق مزراکلی– ئامەد، مەلیکە گۆکسو– ئەرزرۆم، جیهان کارامان– جۆلەمێرگ، یڵدز چەتین– وان، عەزیم یاجان– وان، یەعقوب ئاماچ – وان، یڵماز شاهین – وان، گوڵستان ئۆنجو– مێردین، مولکییە ئەسمەز– مێردین، نیلوفەر ئەلیک یڵماز– مێردین، عەدنان تۆپچو– موش، یاشار ئاککوش– ئیدر، حەسەن سەفا– ئیدر، محەمەد دەمیر– ئێڵح، ئایهان بیلگەن– قەرس، شەڤین ئالاجا– قەرەس.
"ئاکەپە ڕێکوزیای جەنگەرانی خراپەکارەن و فاشیستانە مامەڵە مەکەرۆن"
ئاکەپە جە ١٨ ساڵێ دەسەڵاتداریشەنە، بییەن بە ڕێکوزیایێوی جەنگەرانی خراپەکار و دوژمنانە و فاشیستانە مامەڵەش چەنی گەلو کوردی و کۆمەڵگای و هەدەپە-ی کەردەن. تاکە هێز جە تورکیانە بە ئیرادە و هێزەوە ڕووبەروو ئاکەپە-ی ببۆنەوە و شکستش بڎۆنە، هەدەپه-ن. ئەگەر هەدەپە نەبۆنە ئاکەپە ١٨ ساڵێ تەرێ درێژە بە دەسەڵاتێ و جەنگەرانی و خراپەکاری وێش بڎۆنە.
"تورکیا جە پیمانەکێ دیمۆکراسی و ئاشتی و مافەکێ مرۆڤی دوور کەوتەنەوە"
جە دمای ٢٠١٠ی، تورکیا جە بە سیستماتیکەردەی (مافەکێ مرۆڤی، دیموکراسی و ئاشتیی دلێوێیی) دوور کەوتەنەوە و کارەکتەری بنەڕەتی کە ئاکەپە پەیڕەوش کەردەن و مەکەرۆن (سەرکەوت، چەوەسنای، دەستگیرکەردەی، زیندانیکەردەی، سەپانی قەیومیو پاشێلکەردەی مافەکان ) بییەن.
"٢٠ هەزار هەدەپە-یێ دەستگیرێ کریێنێ"
جە ساڵی ٢٠١٦ەوە تا کۆتایی ٢٠٢٠ی، بە گردی ٢٠ هەزارێ جە ئەندامێ و ڕاوەبەرێ، پارلەمانتارێ، هامشارەدارێ (هەدەپە)ی دەستگیرێ کریێنێ و ١٠ هەزارێشان بڕیارو زیندانیکەردەیشان پەی دریان.
"هەدەپە کۆڵ جە خەبات و کۆشای نمڎۆن"
سالیم کاپڵان، یاگەگیرو هامسەرۆکانو (هەدەپە)ی پەی کاروبارو ڕاوەبەری دلێوێی، باسش جە ئانەیە کەردەن: "سەرەڕاو سەرجەم گیروگرفتێ، ئاسەتنگیێ، هێرشێ و دەستگیرکەردەی و زیندانیکەردەی و فشارەکان، بەڵام هەدەپە کۆڵ جە خەبات و کۆشای نمڎۆن و پابەندەن بە ئا بەڵێنەیە کە بەگەلیش دان و مەبۆن بەهیوا پەی گەلی و گلێرگەی و شکست بە ئانیشان بڎۆنە کە هەوڵ پەی شکستدای گەلو کوردی و هەدەپە-ی مڎانێ. ئانێ هەوڵشان دا تا هەدەپە-ی پارچە پارچە بکەرانێ و دەرەنجام دلێنەبەرانێش، وێشان پارچێ بیێ و توشێ جیابییەی بیێوە و دەرنجام دلێنەبشانێ. بە دڵنیایەوە هەدەپە جە ٢٠٢١نە مۆرو وێش جە سیاسەتو تورکیای بڎۆنە و چوون ویەردە جە ساڵێ ئایەندەنە، دیسان کاراکتەر و ڕۆڵگێڵێوی سەرەکی تورکیای ببۆنە.
