جە ئێران و وەراسانو کوردستانی، ئاخێز و سەرھۊردای گەلا بە ۋەرهەنگامی ژەنا و بە دروشمەو (ژەنی ژیای ئازادی) کە جە ڕۊدیارو ١٦و مانگەو ئەیلولی دەسش پنە کەردەن و نزیکبییەنەوە جە ٢ مانگان، سەرەڕاو فشاری، سەرکوتی، کوشتەی و بڕییەی جە لاو ڕژێمو دەسەڵاتدارو ئێرانییەوە، ڕۊ بە رۊ فراوانتەر مبۆنەوە و پەشتیوانیش ونە مکریۆنە.

جە ئا چواچوەنە، ٣٠٠ رۊچنامەنۋیسۍ و چالاکوانۍ  ئەرەیاونایێۋی ھامبەشاندان و جە میانشەنە، پەشتیوانیشان کەردەن جە ئاخێزو ئێرانی وەراسانو کوردستانی. هاموەخت ئا فشار و سەرکوتکەردەی و دەستگیرکەردەیەشان شەرمسار کەرد کە ڕژێمی گێرتەنەنەۋەر و دواشان جە ڕژێمی کەردەن، دمایی بە ستەم و زۆرداری و ئەۋەچەوسنای گلێرگەی باوەرۆنە و مل بڎۆنە بە داواکارییەکانو گەلی.

ئا ٣٠٠ رۊچنامەنۋیسۍ و چالاکوانۍ باسشان جە ئانەی کەردەن: بەکاربەردەی تنڎوتیژی و هێزی سەربازی، چارەسەر نییەن و تەنھا توڕەېی ھاموڵاتییە ناڕازییەکان زیاتەر مکەرۆنە.