''٤و نیسانی ھورئاماو ۋەرەتاۋو هیوایا''
گەریلاکۍ یەژاستاری و هەپەگەی بە بۊنەو چوارو نیسانیۋە ڕۊو جە ئەڎابیەو رابەرو گەلوو کورڎی "عەبدوڵا ئۆجالان"ی قسېشا کەرڎۍ و ۋاتشا، "٤و نیسانی ڕۊو سەر جە نۊ جە ئەڎابیەیا".
" بێریتان حەقی"ە ڕۊو جە ئەڎا بیەو ڕابەر ئاپۊیش پېسە جە ئەڎا بیەو گرڎو گەلا، بەتایبەتیچ ڕۊو جە ئەڎا بیەو ژەنا پێناسە کەرڎ و پا قسا ئاماژەژ بە دەورو رابەر ئاپۊی جە ئازاڎیی ژەنانە کەرڎو ۋاتش: "رابەرما پۍ ژەنا بی بە چەمۍ و گۊشۍ. جە سایەو رابەرایەتیمانە ئا کۊیلایەتیەی کە هەزاران ساڵۍ بۍ سەرو ئێمەرە سەپیۍ درکش پنەکەرڎ و حەوڵشدا چانەی رزگارۍ بیمۍ. ئا ڕۍ کە رابەرایەتی ۋستەنش ۋەرودەمیما، ئەرەکۊشاین جە دژوو کۊیلایەتی و دما کەوتەی کە سەرو ژەنارە سەپیۊنە".
گەریلا "بێریتان"ە ۋیرش ئاورڎۊ کە ڕابەر ئاپۊ گیریان و ۋاتش:" رابەرما ٢٥ ساڵېن جە سیستمو گۊشەگیری ئیمراڵینە بە گیانبازیێۋە گۊرۊ ۋێڕاگری مکەرۊ. سیستمو گۊشەگیری ئیمراڵی نمونێۋە گولانە کریاۋەو سیستمو دۊڵەتیا. پېسە ڕێکوزیاتەرین شێوەو دۊڵەتی سەرو رابەریمارە سەپیۊنە. حەرپۊکەی ٤و نیسانی جە ۋەران ۋەرو گرڎ جۊرە سیستمۍ دۊڵەتینە سەر جە نۊ ھورئامایۊ ۋەرەتاۋو هیواو ژەنا و گرڎو قەناعەتەکان".
"مەعنادارتەرین ڕۊو جە ئەڎابیەین"
"باگەر کوردستان" گەریلاو هەپەگەی دەستنیشانش کەرڎ کە چنی ڕۊبیەو رابەرو گەلوو کورڎی هەم تاریخ هەمیچ زوۋان و گەلوو کورڎی سەر جە نۊ سەوزۍ بیێۋە و ڕۊو جە ئەڎابیەو ڕابەر ئاپۊیش پیسە مەعناڎارتەرین ڕۊو جە ئەڎابیەی پێناسە کەرڎ.
"زیلان ئایدنیش"ە گەریلاو یەژاستاری سەبارەڎ بە ڕۊو جە ئەڎا بیەو ڕابەر ئاپۊی پی جۊرە قسېش کەرڎۍ و ۋاتش:"٤و نیسانی ڕۊو سەر جە نۊ جە ئەڎا بیەیا. ڕۊو جە ئەڎابیەو ژەناو، گەلان. ئێمە ئا ڕوۋەیە بە جۊش و خرۊش و دڵۋەشیۍ گۊرۊ پێشوازی مکەرمۍ. یاگۍ رەخنۍ جدیین پۍ ئێمە کە رابەرما جە ڕوۋۍ چانەنە نیا دلۍ ئېمەنە. رابەرما ٢٥ ساڵېن جە دلۍ هەلومەرجۍ فرە دژواریەنە جە سیستمو گۊشەگیری ئیمراڵینە گیریان. ئێمە گەریلاکۍ یەژاستاری ۋەعد مڎەیمۍ کە رابەریما جە روو جەستەییوە ئازاڎ بکەرمۍ. جە هەرێمەکا پارێزناو مەدیاینە مدرامانۍ گۊرە ھەن. ئێمە چی سەدەنە گوڕ بە ئەرەکۊشایما پۍ دەسەبەرکەرڎەو ئازاڎیی مڎەیمۍ".
"ڕێخەما ئینا کەشەنە"
"ئەیلەم جودی"ە گەریلاو یەژا ستاری دەستنیشانش کەرڎ کە ئاڎۍ جە کەشەکانە جە دژوو کۊلۊنیالیزمی و فاشیزمی جەنگ مکەرا و ۋاتش،" ڕۊو جە ئەڎابیەو ڕابەریما ورەما پنە بەخشۊ، چەقو هێزو ئێمەن. جە ۋەران ۋەرو کرڎەوە نامرۊڤانەکا فاشیزمی و کۊلۊنیالیزمی ئێمە بۊنەو مرۊڤایەتیۋە ۋێڕاگری مکەرمۍ، پەی رزگارکەرڎەو شکۊو ئینسانی جەنگیەیمۍ. ژەنۍ جە رابەرایەتیوە فێرو مدرامانی بیۍ. رابەرایەتی هیواو ئێمەش گۊرە کەرڎ. رابەرما ماچۊ، ڕێخەما ئینا کەشەکانە. ئێمەیچ مدرامان جە کەشەکانە فرە بە مەعنا ۋینمۍ. ئێمە ئینایمۍ سەرو ڕاو رێبازو رابەریما و ئی ڕوۋەیە بە تایبەتی جە زارۊڵا پیرۊز مکەرمۍ".
"بەربانگ شەڤالیش"ە گەریلاو یەژاستاری باسش چانەی کەرڎ کە ئاڎۍ ئیراڎە و هێزو مدرامانو ۋێشا جە ڕابەر ئاپۊی ھورگېرا و ۋاتش،" ڕاو سەرکۊتەی قەبوڵکەرڎەو هزرو رابەرایەتیا. قەرارو ئێمە ئانەن کە ئېساڵی بکەرمۍ بە ساڵەو سەرکۊتەی".
هـ . ش
