٨ ژەنۍ گەنجۍ کورڎسانی بە ئەرەیاوناێوی نویسیا واتشا: "ئێمە ئینایمۍ ١٦ەمین ساڵیادو پیلانگێڵنیی میاننەتەوەییننە. چا ڕوەوە ڕابەرێتیما ١٥و شوباتو ١٩٩٩ گیریان تا ئارۆ، جە کەسێتیی ڕابەریمانە گردو کورڎسانی و گەلو کوردی گیریان. پەوکای مدرامانی ٢٦ ساڵەو ڕابەریما، گردو سیاسەتی پاکتاو و قڕکەرڎەی پووچەڵ مکەرۆوە. پی مانۍ ئیمراڵی وەراوەرو مدرامانی بێوێنەو ڕابەریمان کاریگەرییەکەش جەدەس دا. پی مانۍ جە کەسێتیی مۆدێرنیتەی سەرمایەداریینە، ٢٤ سەعاتۍ سەرو کورڎسانیو بەتایبەت ئێمەی ژەناوە سیاسەتو تەرسنای مکریۆ. جە کەسێتیی ڕابەریمانە، ژەنی قارەمانۍ کورڎۍ، گەنجاو کوردی و گردو گەلو کورڎسانی ساڵانێوەن مدرامان مکەرا، پارێزنای شناسنامە و زوان و چاندی کورڎەواریی کە بە ژیوای دیموکراتیک و ئازاڎو ژەنۍ و یۆبییەی گردو گەلا وەش مبۆ و ئا مدرامانە شکۆدارە چنی ڕابەر ئاپۆی هەلومەرجش ورگێرتەن، نامۍ و ئیرادەش سەرکەوتەین".

ئەوەخوایش مکەرانێوە پێسەو ئا گەشمەردا، جە ١٩٩٩ دژو پیلانگێڵنی جەسەو وێشا کەرد بە قەڵغانی زیندە، ئادێچی دەیەقێو بەبۍ ڕابەرەکەیسا قبووڵ نمەکەرانۍ، ماچا: "ئێمەی ژەنە گەنجا وەراوەرو حەقیقەت و بەیاگەیاونای شکۆو ئینسانیەتی و ئەخلاقی وێما بە وەرپەرس مزانمۍ. دژو گۆشەگیری و فاشیزمی ٢٦ ساڵەی بە ئیرادە و ڕۆحو گەشمەرداوە ڕووە مکەرمێنە ڕابەرێتی و کەشە ئازاڎەکا".

ژەنۍ گەنجۍ ئەوەخوایش مکەراوە بە پاگێرتەیرەوە دژو ئەرەگیرکاری جە چوارپارچەو کورڎسانینە سەرەوردای مکەرانۍ و"جە ٤و نیسانینە ڕووەما کەرڎە وەرەتاوی و ڕابەرێتی و تێکەڵو ڕیزەکاو گەریلای مبیمێ".

ژەنە گەنجەکۍ ئەرەمیاوناش، بە ڕۆحو گەشمەرڎە سەرمەشقا پێسەو گەشمەرڎە بیشەنگی و گەشمەرڎە سارێوە ڕووەشا کەرڎێنە کۆشیای و وەعد مدانۍ هەقەو گەشمەردا وەنەو فاشیزمی بکەراوە.

ژەنی ئاماژە مکەرا پانەیە کە ڕژێمی فاشیست و پیاسالارو ئاکەپە-مەهەپەی بە هامکاریی ئەمریکای و ناتۆی بەرڎەواما جە ئەرەگیرکاریی کورڎسانی و مواچانۍ کە گەلو کوردی و تەڤگەرو ئازاڎی بە قۆناغێوی جەنگیی ئاشکرارە مویەرانۍ، مواچانێ: "گەریلاکاو یەژاستاری و هەپەگەی بە ئیلهامو مدرامانو ڕابەرێتیما، بەتایبەت زاپ و ئاڤاشین و مەتینانە گرد یاگێوەنە مدرامانی گەورە کەرانۍ. بە چالاکی و ئۆپەراسیۆنەکاش وەراوەرو هێزە فاشیست و کۆڵۆنیاڵیستەکا دژو گرد چەکێوی کیمیایی و قەدەغەکریایە، فاشیزمشا ماڕا. گردو ژەنە گەنجا و گەنجە وڵاتپارێزنە ئاپۆییا مزانا، کە بە مدرامانێوی چینە، جە گرد وەختێو زیاتەر نزیکۍ ئازاڎی و ئازاڎیی جەستەیی ڕابەریما بیمیوە، داواو وەنەو گردو گەلی و گەنجاو کورڎسانی مکەرمۍ تا سێبەرەو دوژمنی کورڎساننە بسڕاوە، هەرمانەی وڵاتپارێزنییەو وێشا بیاونا یاگێ".

ژەنی جەخت مکەراوە، کورڎسان بە کۆڵۆنی کریان و ئی ژیوایە کۆیلایەتیین و ژیوای نییا، کورڎساننە گرد ڕوێو کۆکوشیی دڕندانە مکریۆ و تاڵان و دەسدرێژی بەرڎەواما و فرسەتو ژیوی نەمەنەن، مواچا: "سەرو ئی بناغەیە داوا وەنەو گردو ژەنە گەنجا و گەنجە ئاپۆییا مکەرمۍ بەیانە دلۍ ڕیزەکاو ئازاڎییوە. پێویسا بە حیچ جۆرێو ئانەشا هۆش نەشۆوە، کە پەی دۆزێوی شکۆداری کەوتێنۍ ڕا. داوا جە گرد لێوی مکەرمۍ، بەشدارۍ با جە کۆشیای شکۆدارو ئازاڎیینە".

ژەنی جەخت مکەراوە ژیواێوە بەبۍ ڕابەرەکەیشا قبووڵ نمەکەرانۍ و ماچا: " وەعدما دا دلۍ ڕیزەکاو پەکەکە-پاژکینە چەنی جەنگەواناو حەقیقەتی هەنگامە بنیەیمۍ. پێویسا گرد لاێو بزانا ئازاڎی تەنیا بە ژیواێوی شکۆمەند و ئینسانانە ڕاش مشۆنە. مافو گرد لاێوەن پێسە ژەنۍ و بەشکۆوە بژیوانۍ. داوا وەنەو گەنجاو قارەمانا و ژەنە گەنجاو کورڎسانی مکەرمۍ دەورو پەکەکەی و پاژکینە کۆشیا، داواو وەنەو گرد لاێوە مکەرمۍ، کە کەشە ئازاڎەکاو کورڎسانینە فرسەت هەن، چەنی ڕابەرێتی کوۍ باوە".