ڕا جە چەتەکا گیریا دزە بکەرانۍ دلۍ کانتۆنوو منبجیوە
هێزەکاو ئەنجومەنو سەروازی منبجی ئەرەیاۋناشا، کە چەتەکۍ دەوڵەتو تورکی هەوڵشادا بلانە دلۍ کانتۆنەکەیۆ، بەڵام ڕاشا ۋنەگیریا.
جە ما بەینوو هێزەکاو ئەنجومەنی سەروازی منبجی و چەتەکا دەوڵەتو تورکی کە هەوڵ دێنۍ بلانە دلۍ کانتۆنەکەیۆ جەنگ ئاما ئاراوە. جە جەنگەکەنە چەتێوە کوشیا و چڼین چەتێچ زامڎارۍ بیۍ.
بە پەو ئەرەیاۋناو ئەنجومەنی سەروازی منبجی، سەرسەعبو ئارۆی سەعات ٠٥:٣٠ دەیەقۍ چەتەکۍ هەوڵشا دان بلانە دلۍ دەگاو مەحسەنلیەی.
ئانەیچ وزیان ڕووە کە بە یەرۍ درۆنۍ دەگاکۍ بۆردومانە کریێنە و پا مەڵامەتۆ زەرەرۍ فرە وەرو دەگایەکۍ کۊتەن.
جەنگەوانا ئەنجومەنی سەروازی منبجی ۋەرەنگارۍ ئا هرووژمەیە بیێوە و ڕاشا جە دزەکەردەی ئا چەتا گېرت.
