ڕابەر ئاپۆ ڕابەرێوە جەهانییا
ئا گەریلایۍ جە ئەڎابیەو ڕابەروو گەلوو کوردیشا پیرۆز کەرد، دەس نیشانشا کەرد، پېسە جە ئەڎابیەو نەتەوێوە مویناش و واتشا بە پارادایمەکاش بیەن بە ڕابەرێوە جەهانی.
گەریلاکاو هەپەگەی و یەژا ستاری بۊنەو ٧٥ەمین ساڵەو جە ئەڎابیەو ڕابەروو گەلوو کوردی عەبدوڵا ئۆجالانی، پەی ئاژانسوو هەواڵوو فوراتی قسێشا کەردۍ.
پەیمان بۆتانە یووە جە گەریلاکاو یەژاستاری واتش، ٤و نیسانی ڕۊو جە ئەڎابیەو رابەر ئاپۆی جە گرڎوو گەلوو کوردسانی و هەڤاڵاما کە جە کەشەکانە جەنگ مکەرا، پیرۆز مکەرمۍ. جە ئەڎابیەو ڕابەر ئاپۆی پۍ ئېمە ڕووێوە پیرۆز و پەر مانان. بە هێزوو وەشەسیای و دڵسۆزییوە پەی ڕابەرایەتیما جە کەشەکانە کۊشیای مکەرمۍ. حەرچنڎە بە جەستەیی جە ڕابەرایەتیما دوورۍ بیمۍ، بەڵام بە ویر و کۊشیای ئینایمۍ چنیش. هیچ هێزێوە نییا بتاوۆ وەشەسیای و وەفاڎاریما پەی ڕابەرایەتیما دلېنە بەرۆ و دوورما وزۆوە. بە ئیدۆلۆژی ڕابەرایەتیما و ڕەنجوو هەڤاڵا گەشمەرڎا ژەناما بیێنمۍ بە هێزێوە گەورە. ' ژەنی ژیۋای ئازاڎیی' کە فەلسەفەو ژیۋای ڕابەرایەتیمانە، شێوەو کۊشیایۍ جەهانییا. ژەنا ئیتر پۍ ماف و ئازاڎیی ۋێشا مجیارە مېڎانەکا. ئینە بە هێزوو فەلسەفەو ڕابەر ئاپۆی جەهانی بیەن و پەرەش سانان، پۊکاتی جە ئەڎابیەو ڕابەر ئاپۆی پۍ ئێمە گرنگی ۋێش هەنش.
سەرەتاو جە ئەڎابیەیۍ تازەیا
نودەم چیا یۊتەرە جە گەریلاکاو یەژا ستاری باسوو گرنگی ڕۊو جە ئەڎابیەو ڕابەروو گەلوو کوردیش کەرد و ئی جە ئەڎابیەیشە جە گرڎوو هەڤاڵا پیرۆز کەرد و دەس نیشانش کەرد، ئی ڕووە پۍ ئێمە ڕۊو ژیۋایۊین و گرنگی فرەش هەن، چی ڕووەنە جیا جە مبارەکباییەکا، نەمامۍ نریا ئینەیچ دلۍ هەڤاڵاما و گەلە کەیمانە بیەن بە کولتوورێوە. ڕابەرایەتیما خاوەن زانستێوە چانەن پۍ هەر زیندەوەرێوە مافوو ژیاۋایش دیاری کەردەن، وەخت وەختوو ئازاڎیی جەستەیی ڕابەر ئاپۆی و ئازاڎیی گەلوو کوردسانین، گەریلا و گەلەکەما پۍوەرە مدرامان مکەرا، دەوڵەتوو تورکی ناچارا چارەسەری دەس پنە بکەرۆ."
حەرپاسە یۊتەر جە گەریلاکاو هەپەگەی ئاراس ڕۆناهی واتش: "جە ئەڎابیەو ڕابەرایەتیما هیواو گردوو گەلا چېردەسی و گرڎ مرۆڤێوە ئازاڎیوازین، ٤و نیسانی پۍ ئێمە نوێنەرایەتی ژیۋایۍ تازەی مکەرۆ. ڕابەر ئاپۆ بە فەلسەفە و ئیدۆلۆژی ۋێش جەهانەنە دەنگش دانۆ، ڕابەرایەتی گەلوو کوردی کە جە جەوهەروو ۋێش دوور کەوتەبێوە گێڵناوە پەی سەروو جەوهەروو ۋێش. بە پارادیگماو دیموکراتیکی، ئیدۆلۆژیکی و ئازاڎیوازی ژەنۍ مۆدێلێوە تازەو ژیۋایش جە گلېرگەنە ئارد وەڵێوە. ئۆپراسیۆنۍ شۆڕشگېڵنیۍ سەرکەوتەی گەورەشا بەدەس ئاورد و گەلەکەما نەورۆزەنە بە خاوەنداری کەردەی جە سەرکەوتەکا ۋێش نیشانەدا. سەرچەمەو مۆراڵوو گەریلای گەلەکەمانە، ئێمە باوەڕما پاسەن کە ئێساڵ ساڵەو ئازاڎیی جەستەیی ڕابەر ئاپۆینە و ئازاڎش کەرمۍ."
