'ڕابەر ئاپۆ ڕۊشنای کۊشیاین پۍ ئێمە'
گەریلۍ یەژا ستاری زنارین بۆتانە و گەریلاو هەپەگەی ڕۆستەم بۆتان، ئاماژەشا پانەی کەرد کە ڕابەر ئاپۆ ڕۆشنای کۊشیاین و واتشا: "پارادایموو ڕابەر ئاپۆی پۍ دماڕۆو گەلا عالتەرین چارەسەرا".
گەریلاکاو یەژا ستاری و هەپەگەی پی جۊرە باسوو ڕابەروو گەلوو کوردی عەبدوڵا ئۆجالانیشا کەرد.
گەریلۍ یەژا ستاری زنارین بۆتانە، ئاماژەش پانەی دا ڕابەروو گەلوو کوردی عەبدوڵا ئۆجالان پۍ ئاڎیشا ڕۊشنای کۊشیاین و واتش: "ڕابەرایەتی پۍ ئێمە ڕۆمانا، ڕۊشناییا. ڕۊشنایی کە گرڎوو جەهانی ڕۊشن کەرۊوە. گەل کوۍ باوە دەورشەنە. پېسە گەنجا کوردی، پېسە گەریلای دلۍ کۊشیایمانە ئیسفاڎە چی ڕۊشناییە هۊرگێرمۍ. جە کەشەنە، جە هەر هەنگامێوە کە منیەیمێش، ویر جە ڕابەریما کەرمێوە و هەست بەڕابەریما کەرمۍ، پی جۊرە بەردەوامێنمۍ و سەرۍ گنمۍ. هەستێوەن حەگیز ویرمەشۆوە. ملی هەر یاگۍ، ڕاکێت ڕۊسنەکەرۊوە. ئینا چنی گرڎ هەنگامێما، جە گرڎ قۊرتێوەنە ڕاسی و چارەسەریما نیشانە مڎۆ.ئینە ئا ڕۊشناییەنە کە جە ڕابەریماوە هورشگێرمۍ، ۋەروو ئانەی مشۆم بیمۍ بە خەرمانۍ جە ئێری و ڕابەریما پارێزنمۍ. ئینە هەستێوەن بەرمەبڕیۆ، بەڵکم چنەشەنە مژیومۍ. حەر یاگێنە بۆ فامش کەرمۍ".
'گرڎ چێوۍ کەرمۍ، پۍ ئازاڎیی جەسڎەی ڕابەرایەتیما'
گەریلاو هەپەگەی ڕۆستەم بۆتانی پی جۊرە باسوو وەشەسیای ۋێش پۍ ڕابەروو گەلوو کوردی عەبدوڵا ئۆجالانی کەرد و واتش: "وەختۍ نامۍ ڕابەرایەتی مژنەوو، فامێوە جیاوازم چنە وەش بۊ، پېسە ڕۊڵێوە ئی گەلەیە و هەم پېسە شەڕڤانێوە ڕابەر ئاپۆی ئی فامە مەعنێوە گۊرۍ بە ئێمە بەخشۆ. فامێوە جیاوازا. پېسە جەنگەوانا ڕابەر ئاپۆی ئێمە بە ئشناسای، بە ئەنەیاوای، بە ئایدۆلۆجیا و پاردایموو ڕابەریما ۋێما مشناسمێوە. بە ئشناسای و فکر و پارادایموو ڕابەر ئاپۆی، مرۆڤ میاوۆ بە جەوهەروو ۋێش. پی ۋۍ ئشناسایۆ، مرۆڤ متاوۆ جەوهەروو ۋێش، مرۆڤایەتی و سروشتیچش عالتەر بشناسۆ. جە چنڎین هەرێمۍ جەهانینە، پۍ ئازاڎیی ڕابەرایەتی چالاکی و ڕاپیمای ئەنجامۍ مڎریا. ڕابەرایەتی وێنەش نیا. دڵسۆزی و گێڵای ئازاڎیما پۍ ڕابەرایەتی قوەتێوە گۊرەما پنەبەخشۆ. مۆراڵ، ئازایی و ئیراڎەمان پنە مڎۆ.
پی مۆراڵ و ئیراڎۆ گژیەیمۍ. بڕێوەتەر هەنۍ بانگەشەو ئانەی کەرا کە پۍ ئازاڎیی گەلی کۊشیا. بڕۍ پارتۍ جیاوازۍ هەنێ پۍ کوردسانی ڕێکوستەیشا ئەرەمەرزنان. بەڵام گرڎشا بەشدارۍ پارادیم و ئایدۆلۆجیا و ڕابەرایەتی با. ئینە جۆرێوەن جە باوەڕی و کەسایەتی. پۍ چی ئانڎە حەزش چنەکریۆ؟ پۍ چی مرۆڤ ئاندە ۋێش فیداو ڕابەرایەتی کەرۆ ؟ ئینە گرنگیێوە تایبەتش هەن. جە دژوو ئا هێزا کە گەرەکشابیەن بەها مرۆڤایەتییەکا دلێنەبەرا، کۊشیای کاریگەر ئەنجام مڎەیمۍ. پۍ ئازاڎیی ڕابەرێتیما گرڎ چێوۍ کەرمۍ".
